بٷگٸنەن باستاپ الماتى حالىقارالىق ەۋەجايىندا Ashyq قوسىمشاسى جۇمىس ٸستەپ جاتىر, دەپ حابارلايدى "ۇلت اقپارات".
Ashyq موبيلدٸ قوسىمشاسى مەيرامحانالار مەن دەمالىس ورىندارىنان بٶلەك, الماتى ەۋەجايىنا دا ورناتىلدى. بٷگٸنەن باستاپ جولاۋشىلار ۇشاققا وتىرماس بۇرىن, ٶز ستاتۋسىن سكانەرلەۋ ارقىلى انىقتاپ, ەۋەجاي قىزمەتكەرٸنە كٶرسەتۋٸ تيٸس.
ايتا كەتەيٸك, جولاۋشىلارعا ستاتۋس «پتر-زەرتتەۋلەردٸڭ بٸرىڭعاي ينتەگراتسييالىق پورتالى» جەنە «قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ COVID-19 باقىلاۋ ورتالىعى» اقپاراتتىق جٷيەلەرٸمەن سالىستىرۋ نەگٸزٸندە بەرٸلەدٸ.
«جاسىل» – جٷرٸپ-تۇرۋىندا شەكتەۋ جوعىن بٸلدٸرەدٸ, مۇنداي ادام بازادا COVID-19 ٸندەتٸنە پتر-تەستٸلەۋٸ تەرٸس نەتيجە كٶرسەتكەن پايدالانۋشى بولىپ سانالادى.
«كٶك» — اۋرۋ جۇقتىرعان ادامدارمەن بايلانىستا بولعان ادامدار ەسەبٸندە جوق, پتر-تەست تالاپ ەتٸلەتٸن جەرلەردەن باسقا كەز كەلگەن ورىندا ەركٸن قوزعالۋ دەگەندٸ بٸلدٸرەدٸ.
«سارى» – بايلانىستا بولعان ادامدارعا بەرٸلەتٸن مەرتەبە. ولارعا ازىق-تٷلٸك الۋعا نەمەسە ٷيدٸڭ جانىنداعى دەرٸحاناعا بارۋعا رۇقسات ەتٸلگەنمەن, باسقا قوعامدىق ورىندارعا بارۋىنا تىيىم سالىنادى.
«قىزىل» ستاتۋس — پتر-تەست تاپسىرىپ, كوروناۆيرۋس انىقتالعان ادامعا بەرٸلەدٸ. مۇنداي مەرتەبە يەلەرٸ ٷيدە وقشاۋلانۋ رەجيمٸن قاتاڭ ساقتاۋى تيٸس.
«قىزىل» نەمەسە «سارى» تٷس مەرتەبەسٸن كٶرسەتكەن جولاۋشىلار ۇشاق بورتىنا جٸبەرٸلمەيدٸ. وسىلايشا شەكتەۋ قويۋ ارقىلى, ٶزگەلەردٸڭ قاۋٸپسٸزدٸگٸن قامتاماسىز ەتۋگە مٷمكٸندٸك بەرەدٸ دەيدٸ ماماندار. ال,18 جاسقا تولماعان بالالارعا قوسىمشانى پايدانباي ەركٸن كٸرۋٸنە رۇقسات.
الماتى حالىقارالىق ەۋەجايىنىڭ باسپاسٶز حاتشىسىناتاليا سوكولوۆانىڭ ايتۋىنشا, ەۋەجايدا «Ashyq» موبيلدٸ قوسىمشاسى 16 مامىردان باستاپ پيلوتتىق رەجيمدە باستالعان. وسى ارالىقتا 24 ادامدا قىزىل تٷس, ال 15 ادامدا سارى بەلگٸ انىقتالعان. ولاردىڭ بارلىعى ەۋەجايعا ٶتكٸزٸلمەدٸ. بۇل رەتتە جولاۋشىلارعا ەۋە كومپانيياسى بيلەت قۇنىن تولىقتاي ٶتەپ بەرۋٸ كەرەك نەمەسە ۇشۋ ۋاقىتىن باسقا كٷنگە اۋىستىرۋى قاجەت.
«جوبانى ەزٸرلەۋشٸلەر بارلىق تەحنيكالىق تۇستارىن دا قاراستىرعان. قازٸر جٷيە جاقسى جۇمىس ٸستەپ تۇر. ەشقانداي اقاۋلار بولمايدى دەپ سەنەمٸز. جٷيە ٸستەن شىققان جاعدايدا, بٸز شىعارىپ سالۋشىلارعا ەمەس, بٸرٸنشٸ كەزەكتە جولاۋشىلاردى كٸرگٸزۋگە باسىمدىق بەرەتٸن بولامىز. ودان بٶلەك, بٸز ٶز تاراپىمىزدان جولاۋشىلاردى ۇزاق كٷتتٸرمەۋ ٷشٸن قوسىمشا كٸرەبەرٸستەر اشتىق, دەلٸزدەر ۇيىمداستىردىق», – دەدٸ «الماتى حالىقارالىق ەۋەجايى» اق باسپاسٶز حاتشىسى.
