فوتو: Polisia.kz
جولاۋشىلار تاسىمالى اق-نىڭ «وڭتٷستٸك» فيليالى قىزمەتكەرلەرٸنە قاتىستى سوتقا دەيٸنگٸ تەرگەۋ جٷرگٸزٸلۋدە. بۇل تۋرالى كٶلٸكتەگٸ پوليتسييا دەپارتامەنتٸ حابارلادى.
قىلمىستىق ٸس الداۋ نەمەسە سەنٸمدٸ تەرٸس پايدالانۋ ارقىلى مٷلٸكتٸك زالال كەلتٸرۋ فاكتٸسٸ بويىنشا (قر قك 195-بابىنىڭ 5-بٶلٸگٸ) قوزعالعان.
دەپارتامەنتتٸڭ مەلٸمەتٸنشە, قازٸرگٸ ۋاقىتتا وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ امالدارى جٷرگٸزٸلۋدە. قر قىلمىستىق-پروتسەستٸك كودەكسٸنٸڭ 201-بابىنا سەيكەس ٶزگە اقپارات جارييا ەتٸلمەيدٸ.
كومپانييا باسقارما تٶراعاسى دييار نٷسٸپقوجانوۆ تەرگەۋ الماتى-1 تەمٸر جولىنىڭ جٷك بٶلٸمشەسٸ قىزمەتكەرلەرٸنە قاتىستى جٷرگٸزٸلٸپ جاتقانىن ناقتىلادى.
ونىڭ ايتۋىنشا, كومپانييا قۇقىق قورعاۋ ورگاندارىنا تولىق قولداۋ كٶرسەتٸپ, جٷك تاسىمالى سالاسىندا كەشەندٸ تەكسەرۋلەر جٷرگٸزۋدە. 2025 جىلدىڭ قىركٷيەگٸندە ٶتكەن ٸشكٸ قىزمەتتٸك تەرگەۋ نەتيجەسٸندە جٷك بٶلٸمشەسٸنٸڭ بٸر قىزمەتكەرٸمەن ەڭبەك شارتى بۇزىلعان. سونىمەن قاتار بٸرنەشە قىزمەتكەر مەن باسشى تەرتٸپتٸك جاۋاپكەرشٸلٸككە تارتىلدى.
ولاردىڭ قاتارىندا جٷك پەن باگاج قابىلداپ-تاپسىرۋشى, «وڭتٷستٸك» فيليالى ديرەكتورىنىڭ جٷك تاسىمالى جٶنٸندەگٸ ورىنباسارى, وڭتٷستٸك ٶڭٸرلٸك ۋچاسكەسٸنٸڭ باستىعى – جٷك تاسىمالىن ۇيىمداستىرۋ بٶلٸمٸنٸڭ باسشىسى, سونداي-اق جٷك بٶلٸمشەسٸنٸڭ مەڭگەرۋشٸسٸ بار.
كومپانييا باسشىسى جٷكتەردٸ رەسٸمدەۋ جەنە تاسىمالداۋ پروتسەستەرٸنٸڭ اشىقتىعىن ارتتىرۋ ماقساتىندا تسيفرلىق شەشٸمدەر ەنگٸزٸلٸپ جاتقانىن اتاپ ٶتتٸ. قويما شتاتتىق رەجيمدە جۇمىسىن جالعاستىرۋدا.
