Foto: Polisia.kz
Jolaýshylar tasymaly AQ-nyń «Ońtústik» filialy qyzmetkerlerine qatysty sotqa deiingi tergeý júrgizilýde. Bul týraly Kóliktegi politsiia departamenti habarlady.
Qylmystyq is aldaý nemese senimdi teris paidalaný arqyly múliktik zalal keltirý faktisi boiynsha (QR QK 195-babynyń 5-bóligi) qozǵalǵan.
Departamenttiń málimetinshe, qazirgi ýaqytta oqiǵanyń barlyq mán-jaiyn anyqtaýǵa baǵyttalǵan qajetti tergeý amaldary júrgizilýde. QR Qylmystyq-protsestik kodeksiniń 201-babyna sáikes ózge aqparat jariia etilmeidi.
Kompaniia basqarma tóraǵasy Diiar Núsipqojanov tergeý Almaty-1 temir jolynyń júk bólimshesi qyzmetkerlerine qatysty júrgizilip jatqanyn naqtylady.
Onyń aitýynsha, kompaniia quqyq qorǵaý organdaryna tolyq qoldaý kórsetip, júk tasymaly salasynda keshendi tekserýler júrgizýde. 2025 jyldyń qyrkúieginde ótken ishki qyzmettik tergeý nátijesinde júk bólimshesiniń bir qyzmetkerimen eńbek sharty buzylǵan. Sonymen qatar birneshe qyzmetker men basshy tártiptik jaýapkershilikke tartyldy.
Olardyń qatarynda júk pen bagaj qabyldap-tapsyrýshy, «Ońtústik» filialy direktorynyń júk tasymaly jónindegi orynbasary, Ońtústik óńirlik ýchaskesiniń bastyǵy – júk tasymalyn uiymdastyrý bóliminiń basshysy, sondai-aq júk bólimshesiniń meńgerýshisi bar.
Kompaniia basshysy júkterdi rásimdeý jáne tasymaldaý protsesteriniń ashyqtyǵyn arttyrý maqsatynda tsifrlyq sheshimder engizilip jatqanyn atap ótti. Qoima shtattyq rejimde jumysyn jalǵastyrýda.
