اتىراۋ وبلىسىنداعى الماعامبەت كٶلٸنەن 507 كەلٸ ٶلٸ بالىق جينالدى. بۇل تۋرالى بالىق شارۋاشىلىعى كوميتەتٸ تٶراعاسىنىڭ ورىنباسارى ايان باحييانوۆ مەلٸم ەتتٸ, دەپ حابارلايدى قازاقپارات.
«بيىل جايىق ٶزەنٸنە سۋ كەلٸپ, دەڭگەيٸ كٶتەرٸلٸپ جاتىر. مەسەلەن, 24 سەۋٸردە ٶزەن ساعالارىنا سۋ شىعا باستادى. ال, 26 سەۋٸردە اتىراۋ قالاسىنىڭ ماڭىنداعى بەزىمياننىي كٶلٸندە بالىقتىڭ قىرىلۋ دەرەگٸ انىقتالدى. وسىعان بايلانىستى جەرگٸلٸكتٸ ەكٸمدٸكتەن ارنايى كوميسسييا قۇرىلىپ, تەكسەرۋ جٷرگٸزٸلدٸ. كوميسسييا قۇرامىنا جەرگٸلٸكتٸ اتقارۋشى ورگاننىڭ ٶكٸلدەرٸ, جايىق-كاسپيي وبلىسارالىق باسسەيندٸك بالىق شارۋاشىلىعى ينسپەكتسيياسىنىڭ ماماندارى ەندٸ. اتالعان سۋ ايدىنىنان 65 كەلٸ ٶلٸ بالىق جينالدى. بالىقتىڭ قىرىلۋ دەرەگٸ ماحامبەت اۋدانىنداعى الماعامبەت كٶلٸندە دە تٸركەلدٸ. بۇل كٶلدەن 507 كەلٸ ٶلٸ بالىق جينالىپ الىندى», - دەدٸ ايان باحييانوۆ.
ونىڭ ايتۋىنشا, يندەر اۋدانىندا جايىق ٶزەنٸنە تاياۋ ورنالاسقان 22 كٶل بار. ونىڭ تٶرتەۋٸنە سۋ كەلگەن. ال, ماحامبەت اۋدانىنداعى 18 كٶلدٸڭ التاۋىندا سۋ پايدا بولدى.
«بالىقتىڭ قىرىلۋىنىڭ باستى سەبەبٸ - جايىق ٶزەنٸنٸڭ ساعاسىنا شىعىپ, سۋ ايدىنىنا قايتا ورالا الماۋىنان بولىپ وتىر. ٶيتكەنٸ, ساعالارعا سۋ تەز كەلگەن. بالىقتار سۋمەن بٸرگە شىققان. سۋ كەرٸ قايتقاندا, وتتەگٸ دە ازايعان. بۇل بالىقتىڭ قىرىلۋىنا سەبەپ بولعان», - دەدٸ ايان باحييانوۆ.
وبلىستىق بالىق شارۋاشىلىعى باسقارماسىنىڭ باسشىسى ارتۋر سەدٸبەكۇلىنىڭ ايتۋىنشا, ماحامبەت اۋدانىنداعى الماعامبەت كٶلٸندە 10 جىلدان بەرٸ سۋ بولماعان.
«بۇل كٶلدە جىڭعىلدىڭ ٶسۋٸنە سەبەپ بولدى. بيىل كٶلگە سۋ كەلدٸ. كٶلگە سۋمەن بٸرگە كەلگەن بالىق جىڭعىلدىڭ اراسىندا قالىپ قويعان», - دەدٸ ارتۋر سەدٸبەكۇلى.
قازٸر الماعامبەت كٶلٸندە بالىقتاردى قۇتقارۋ جۇمىسى جالعاسىپ جاتىر. وعان جايىق-كاسپيي وبلىسارالىق باسسەيندٸك بالىق شارۋاشىلىعى ينسپەكتسيياسىنان 40 ينسپەكتور, العا اۋىلدىق وكرۋگٸنەن 8 ادام تارتىلعان.
