19-20 قىركٷيەك قالا كٷنٸنە وراي الماتىدا پانفيلوۆ جەنە جٸبەك جولى جاياۋ جٷرگٸنشٸلەر كٶشەلەرٸ بويىندا قالا تۇرعىندارى مەن قوناقتارىنا ارنالعان اۋقىمدى Alma Qala Fest فەستيۆالٸ ٶتەدٸ, دەپ حابارلايدى ult.kz.
مەدەني ٸس-شارا باعدارلاماسى الماتىنىڭ تاريحى مەن زاماناۋي كەلبەتٸن تانىستىرۋعا, ۇلتتىق مەدەنيەت پەن دەستٷردٸ دەرٸپتەۋگە, شىعارماشىلىق يندۋسترييانى قولداۋعا جەنە قالا تۇرعىندارىنا تٷرلٸ فورماتتاعى دەمالىس ۇسىنۋعا باعىتتالعان.
فەستيۆال اۋماعىندا بٸرنەشە تاقىرىپتىق ايماقتار جۇمىس ٸستەپ, كەلۋشٸلەرگە مەدەنيەت, ٶنەر, سپورت, ەكولوگييا, تسيفرلىق تەحنولوگييالار, گاسترونومييا جەنە بالالارعا ارنالعان ويىن-ساۋىق باعىتتارىنداعى تٷرلٸ باعدارلامالارعا قاتىسۋعا مٷمكٸندٸك بەرەدٸ.
فەستيۆالدٸڭ نەگٸزگٸ بٶلٸكتەرٸنٸڭ بٸرٸ – الما شارۋاشىلىقتارىنىڭ جەرمەڭكەسٸ. جەرمەڭكەگە الماتى ٶڭٸرٸندەگٸ 50 الما شارۋاشىلىعى قاتىسىپ, 200 توننادان استام المانىڭ تٷرلٸ سورتتارى مەن تٷرلەرٸن ۇسىنادى. پانفيلوۆ قازىبەك بي كٶشەلەرٸ الاڭىندا كەلۋشٸلەر وتاندىق ٶندٸرۋشٸلەردٸڭ ٶنٸمدەرٸمەن تانىسىپ, المانىڭ الۋان تٷرٸنەن دەم تاتا الادى.
«الماتى» كٶرمە ايماعىندا قالانىڭ تاريحىن, سەۋلەتٸن, تابيعاتىن جەنە ٶزٸندٸك كەلبەتٸن بەينەلەيتٸن كارتينالار كٶرمەسٸ ۇيىمداستىرىلادى. ال ەلشٸلٸكتەر اللەياسىندا قاتىسۋشى مەملەكەتتەردٸڭ مەدەنيەتٸ مەن دەستٷرلەرٸ تانىستىرىلادى. كٶرمە بارىسىندا ۇلتتىق ٶنەر, قولٶنەر بۇيىمدارى, دەستٷرلٸ مەدەني قۇندىلىقتار مەن تٷرلٸ ەلدەردٸڭ ەرەكشەلٸكتەرٸ ۇسىنىلادى.
فەستيۆالدٸڭ زاماناۋي ايماقتارىنىڭ بٸرٸ – Digital Zone. مۇندا تسيفرلىق تەحنولوگييالار مەن ينتەراكتيۆتٸ جوبالار ۇسىنىلىپ, الماتى تاريحىنا ارنالعان AI-اقپاراتتىق-تانىمدىق ينستاللياتسييالار جۇمىس ٸستەيدٸ. سونىمەن قاتار كەلۋشٸلەر ارقان تارتىس, ساداق اتۋ جەنە باسقا دا ينتەراكتيۆتٸ ويىندارعا قاتىسا الادى.
Eco Zone ايماعى ەكولوگييالىق باستامالار مەن جوبالاردى تانىستىرۋعا ارنالسا, Ethno Zone ۇلتتىق مەدەنيەت, دەستٷر جەنە قولٶنەردٸ ناسيحاتتايدى. ەتنوايماقتا قولٶنەرشٸلەر جەرمەڭكەسٸ ٶتٸپ, كەلۋشٸلەر ٷشٸن تٷرلٸ شەبەرلٸك ساباقتارى ۇيىمداستىرىلادى.
بەلسەندٸ دەمالىستى ۇناتاتىندار ٷشٸن Sport Zone جۇمىس ٸستەيدٸ. مۇندا سپورتتىق ويىندار, ەستافەتالار جەنە ۇلتتىق ويىندار ٶتكٸزٸلەدٸ. بالالارعا ارنالعان ارنايى ايماقتا كٸشكەنتاي قوناقتار ٷشٸن ويىندار, انيماتورلار, باتۋتتار, اكۆاگريم, سابىن كٶپٸرشٸكتەرٸ, ازوتتىق شوۋ جەنە باسقا دا ويىن-ساۋىق باعدارلامالارى ۇيىمداستىرىلادى. فەستيۆال قوناقتارىنا قالانىڭ گاسترونومييالىق ەلەۋەتٸن تانىستىراتىن 25 قالالىق مەيرامحانانىڭ ارنايى ايماعى دا ۇسىنىلادى.
كينوسٷيەر قاۋىم ٷشٸن جەكە كينو ايماعى جۇمىس ٸستەيدٸ. باعدارلاما اياسىندا «جاس ەمەس جۇبايلار», «مەدي in China», «سىنىپتاس», «قولىمنان ۇستا», «زامان Back», «مافييا» جەنە قازاق كينوسىنىڭ التىن قورىنا ەنگەن فيلمدەر كٶرسەتٸلەدٸ. سونىمەن قاتار كٶرەرمەندەر «زامان Back» جەنە «فاميلييا» فيلمدەرٸنٸڭ اكتەرلەرٸمەن ارنايى كەزدەسۋگە قاتىسا الادى.
فەستيۆالدٸڭ مۋزىكالىق جەنە شىعارماشىلىق باعدارلاماسى بٸرنەشە ساحنادا ٶتەدٸ. باس ساحنادا (استانا الاڭى) فەا «وتىرار سازى», مۋزارتLIFE, رايىم ۋايىس, «ەدەمٸ اي» دۋەتٸ, قۇدايبەرگەن بەكٸش جەنە ەركەبۇلان قۇماروۆ ٶنەر كٶرسەتەدٸ. كٸشٸ ساحنا №1-دە (ت. جٷرگەنوۆ اتىنداعى قازاق ۇلتتىق ٶنەر اكادەميياسى جانىنداعى ساحنا ) ەلي وقاپوۆ, مادي رىمباەۆ, اقەركە اماليات, نۇرمۇحاممەد جاقىپ, «حازار» توبى, دارو جەنە ۆەنەرا الپىسباەۆا ٶنەر كٶرسەتەدٸ. ال كٸشٸ ساحنا №2-دە (جٸبەك جولى كٶشەسٸ) Live band Rockn rolla, يممەرسيۆتٸ قۋىرشاق تەاترى, «استرا» توبى, نۋرداۋلەت كارلوۆ, الەم كۋساينوۆا جەنە ازامات تورەحان ٶنەر كٶرسەتەدٸ.
اتاۋلى مەرەكەلٸك ٸس-شارالاردىڭ ٶتۋٸنە بايلانىستى تٶلە بي جەنە قازىبەك بي كٶشەلەرٸنٸڭ ابىلاي حان داڭعىلى مەن نازارباەۆ داڭعىلى ارالىعىنداعى ۋچاسكەلەرٸ 17 قىركٷيەك ساعات 15:00-دەن باستاپ 21 قىركٷيەك ساعات 03:00-گە دەيٸن ۋاقىتشا جابىلادى.
