جەنٸبەك ەلٸمحانۇلى (12-0, 8 كو) تولىققاندى ەلەم چەمپيونى بەلبەۋٸن جەكپە-جەكسٸز يەلەنۋٸ مٷمكٸن, دەپ حابارلايدى Vesti.kz پورتالى Boxingscene.com سايتىنا سٸلتەمە جاساپ.
ورتا سالماقتاعى WBO بەلبەۋٸنٸڭ يەگەرٸ دەمەتريۋس اندرادە (31-0, 19 KO) قازاقستاندىقپەن جەكپە-جەكتەن باس تارتىپ, كەلەسٸ سالماققا ٶتپەك. سول سەبەپتٸ امەريكالىق باسىلىم وسىنداي پايىمعا كەلٸپ وتىر.
"اندرادە ورتا سالماقتا WBO بەلبەۋٸ ٷشٸن جەنٸبەك ەلٸمحانۇلىمەن جوسپارلانعان جەكپە-جەككە شىقپايتىن بولدى. سانكتسييا بەرەتٸن قۇزىرەتتٸ ورگان بۇل ايقاس قاراشانىڭ ورتاسىندا ٶتۋ كەرەك دەپ شەشٸم شىعارعان. ال 20 شٸلدەدە شارتتاردى كەلٸسۋ ٷشٸن كوماندالارعا بٸر اي ۋاقىت بەرگەن.
بۇل ۋاقىت ٶتتٸ, بٸراق كەلٸسٸمشارت جاسالمادى. BoxingScene.com-گە بەلگٸلٸ بولعانداي, اندرادەنٸڭ كومانداسى بۇرىنعى جوسپارىنا قايتا ورالماق, بوكسشى سۋپەرورتا ديۆيزيونعا ٶتٸپ, زاك پاركەرمەن (22-0, 16 كو) ارالىق جەكپە-جەككە شىعادى. ەزٸرگە بۇل ايقاسقا رۇقسات جوق, ٶيتكەنٸ مۇنى WBO ماقۇلداۋ كەرەك.
سۋپەرورتا سالماقتاعى ۋاقىتشا چەمپيون اتاعى ٷشٸن اندرادە - پاركەر ايقاسى دەربي قالاسىندا مامىردا ٶتۋ كەرەك بولعان. الايدا اندرادە 2 مامىردا جاراقاتىنا بايلانىستى جەكپە-جەكتەن باس تارتتى. وسىدان كەيٸن بۇل كەزدەسۋگە بەرٸلگەن سانكتسييا كەيٸن قايتارىلىپ, WBO امەريكالىقتى ورتا سالماقتاعى بەلبەۋٸن ەلٸمحانۇلىنا قارسى قورعاۋعا مٸندەتتەدٸ", - دەپ جازادى باسىلىم.
