فوتو: اشىق دەرەككٶز
الماتى وبلىسىندا اليمەنت تٶلەۋدەن جالتارعاندارعا قارسى شارالار كٷشەيدٸ. پروكۋراتۋرا مەلٸمەتٸنشە, بيىلعى جىلدىڭ العاشقى ٷش ايىندا 500 ملن تەڭگە اليمەنت بەرەشەگٸ ٶندٸرٸلگەن, دەپ حابارلايدى Ult.kz.
بالالارىن اسىراۋدان ەدەيٸ باس تارتقان 13 ادامعا قاتىستى قىلمىستىق ٸس قوزعالدى. ونىڭ ٷشەۋٸ سوتتالىپ, ناقتى جازا الدى, ال قالعاندارى بويىنشا تەرگەۋ جالعاسىپ جاتىر.
سونىمەن قاتار, 107 بورىشكەر ەكٸمشٸلٸك جاۋاپكەرشٸلٸككە تارتىلىپ, ولاردىڭ 95-ٸ 5 تەۋلٸككە دەيٸن قاماۋعا الىندى.
بالالاردىڭ پايداسىنا جالپى قۇنى 32 ملن تەڭگە بولاتىن 8 مٷلٸك نىسانى قايتارىلدى. ولاردىڭ قاتارىندا جەر ۋچاسكەلەرٸ, تۇرعىن ٷيلەر مەن اۆتوكٶلٸكتەر بار. مەسەلەن, بورىشكەرلەردٸڭ بٸرٸ قارىزىن ٶتەۋ ٷشٸن قۇنى 7,5 ملن تەڭگەلٸك جەر تەلٸمٸن تاپسىرعان.
پروكۋراتۋرا اليمەنت تٶلەۋ – تەك زاڭ تالابى ەمەس, بالانىڭ قۇقىعى مەن ەل-اۋقاتىن قامتاماسىز ەتەتٸن ماڭىزدى مٸندەت ەكەنٸن اتاپ ٶتتٸ.
اليمەنتتەن جالتارعان ەربٸر جاعداي زاڭ اياسىندا قاتاڭ باقىلاۋعا الىنىپ, تيٸستٸ شارالار قولدانىلادى.
