Foto: ashyq derekkóz
Almaty oblysynda aliment tóleýden jaltarǵandarǵa qarsy sharalar kúsheidi. Prokýratýra málimetinshe, biylǵy jyldyń alǵashqy úsh aiynda 500 mln teńge aliment bereshegi óndirilgen, dep habarlaidy Ult.kz.
Balalaryn asyraýdan ádeii bas tartqan 13 adamǵa qatysty qylmystyq is qozǵaldy. Onyń úsheýi sottalyp, naqty jaza aldy, al qalǵandary boiynsha tergeý jalǵasyp jatyr.
Sonymen qatar, 107 boryshker ákimshilik jaýapkershilikke tartylyp, olardyń 95-i 5 táýlikke deiin qamaýǵa alyndy.
Balalardyń paidasyna jalpy quny 32 mln teńge bolatyn 8 múlik nysany qaitaryldy. Olardyń qatarynda jer ýchaskeleri, turǵyn úiler men avtokólikter bar. Máselen, boryshkerlerdiń biri qaryzyn óteý úshin quny 7,5 mln teńgelik jer telimin tapsyrǵan.
Prokýratýra aliment tóleý – tek zań talaby emes, balanyń quqyǵy men ál-aýqatyn qamtamasyz etetin mańyzdy mindet ekenin atap ótti.
Alimentten jaltarǵan árbir jaǵdai zań aiasynda qatań baqylaýǵa alynyp, tiisti sharalar qoldanylady.
