.webp)
فوتو: Zakon.kz
اليمەنت تٶلەۋ ٷشٸن بٷيرەگٸن ساتپاق بولعان كٶكشەتاۋلىق تۇرعىن 2 جىلعا سوتتالدى, دەپ حابارلايدى Ult.kz Almaty.tv-عا سٸلتەمە جاساپ.
ول دەنە مٷشەسٸن 25 مىڭ دوللارعا ساۋدالاۋ ٷشٸن زاڭسىز مەمٸلە جاساۋعا ەرەكەت جاساعان. بۇل شامامەن 12 ميلليون تەڭگەدەن اسادى. وعان كٶكشەتاۋ تۇرعىنى تۇتىنۋشى رەتٸندە حابارلاسقان. الماتىلىق ەر ادام اقپان ايىندا مەديتسينالىق تەكسەرۋدەن ٶتٸپ, كليەنتپەن مەمٸلە جاساۋ ٷشٸن كٶكشەتاۋعا بارىپتى. بٸراق جالعان ساتىپ الۋشىدان اقشانىڭ بٸر بٶلٸگٸن العان كەزدە ونى پوليتسييا قىزمەتكەرلەرٸ قولعا تٷسٸرگەن.
"جازا تاعايىنداۋ كەزٸندە سوت ايىپتالۋشىنىڭ جاساعان ٸسٸنە شىن جٷرەكتەن ٶكٸنگەنٸن, اليمەنتتٸك مٸندەتتەمەلەرٸ بارىنا بايلانىستى اۋىر ماتەريالدىق قيىندىق كٶرٸپ وتىرعانىن جەڭٸلدەتەتٸن مەن-جاي رەتٸندە ەسكەردٸ. سونداي-اق جاسالعان قىلمىستان زيياندى سالدار بولماعانى نازارعا الىندى. سوت ٷكٸمٸمەن ايىپتالۋشىعا پروباتسييالىق باقىلاۋ بەلگٸلەنە وتىرىپ, 2 جىل شارتتى تٷردە باس بوستاندىعىنان ايىرۋ جازاسى تاعايىندالدى. ٷكٸم زاڭدى كٷشٸنە ەنگەن جوق", - دەدٸ كٶكشەتاۋ قالالىق سوتىنىڭ باسپاسٶز قىزمەتٸ.
