Aliment tóleý úshin búiregin satpaq bolǵan: kókshetaýlyq turǵyn 2 jylǵa sottaldy

Foto: Zakon.kz

Aliment tóleý úshin búiregin satpaq bolǵan kókshetaýlyq turǵyn 2 jylǵa sottaldy, dep habarlaidy Ult.kz Almaty.tv-ǵa silteme jasap.

Ol dene múshesin 25 myń dollarǵa saýdalaý úshin zańsyz mámile jasaýǵa áreket jasaǵan. Bul shamamen 12 million teńgeden asady. Oǵan Kókshetaý turǵyny tutynýshy retinde habarlasqan. Almatylyq er adam aqpan aiynda meditsinalyq tekserýden ótip, klientpen mámile jasaý úshin Kókshetaýǵa barypty. Biraq jalǵan satyp alýshydan aqshanyń bir bóligin alǵan kezde ony politsiia qyzmetkerleri qolǵa túsirgen.

"Jaza taǵaiyndaý kezinde sot aiyptalýshynyń jasaǵan isine shyn júrekten ókingenin, alimenttik mindettemeleri baryna bailanysty aýyr materialdyq qiyndyq kórip otyrǵanyn jeńildetetin mán-jai retinde eskerdi. Sondai-aq jasalǵan qylmystan ziiandy saldar bolmaǵany nazarǵa alyndy. Sot úkimimen aiyptalýshyǵa probatsiialyq baqylaý belgilene otyryp, 2 jyl shartty túrde bas bostandyǵynan aiyrý jazasy taǵaiyndaldy. Úkim zańdy kúshine engen joq", - dedi Kókshetaý qalalyq sotynyń baspasóz qyzmeti.