فوتو: gov.kz
تٷركٸستان وبلىسىندا اليمەنت تٶلەۋدەن جالتارىپ جٷرگەن بورىشكەرلەرگە قاتىستى بٸرقاتار ٶرەسكەل زاڭ بۇزۋشىلىقتار انىقتالدى. وبلىس پروكۋراتۋراسىنىڭ مەلٸمەتٸنشە, اليمەنت بويىنشا قارىزى بار ازاماتتار ٶز مٸندەتٸن ورىنداۋدىڭ ورنىنا بۋكمەكەرلٸك كەڭسەلەرگە قارجى سالعان, دەپ حابارلايدى Ult.kz.
پروكۋراتۋرا جٷرگٸزگەن تالداۋ نەتيجەسٸندە اليمەنت قارىزى 166 ملن تەڭگەدەن اساتىن 21 بورىشكەردٸڭ قۇمار ويىندارعا 15 ملن تەڭگەدەن استام قاراجات جۇمساعانى بەلگٸلٸ بولدى. قازٸرگٸ تاڭدا اتالعان تۇلعالاردى قىلمىستىق جاۋاپكەرشٸلٸككە تارتۋ باعىتىندا تيٸستٸ ٸس-شارالار قولعا الىنعان.
سونىمەن قاتار, ٶتكەن جىلى ٶڭٸردە اليمەنت تٶلەمەگەن 19 بورىشكەرگە قىلمىستىق كودەكستٸڭ 139-بابى بويىنشا قىلمىستىق ٸس قوزعالعان.
تەكسەرۋ بارىسىندا سوت ورىنداۋشىلارى تاراپىنان دا بٸرقاتار ولقىلىق انىقتالعان. اتاپ ايتقاندا, جالپى قارىزى 1,5 ملرد تەڭگەنٸ قۇرايتىن 1 167 بورىشكەرگە ەل اۋماعىنان شىعۋعا شەكتەۋ قويىلماعان. ال 18 ملن تەڭگە قارىزى بار 21 ادامنىڭ ەلدەن شىعۋىنا قاتىستى دەرەكتەر تٸركەلگەن. بۇدان بٶلەك, 170 ملن تەڭگە بەرەشەگٸ بار 120 بورىشكەردٸڭ مٷلكٸنە تىيىم سالىنباعان, ال 2 635 ازاماتتىڭ كٶلٸك باسقارۋ قۇقىعى ۋاقىتشا توقتاتىلماعانى انىقتالدى.
وسى ولقىلىقتاردىڭ الدىن الۋ ماقساتىندا وبلىس پروكۋراتۋراسىنىڭ باستاماسىمەن بورىشكەرلەر مەن ولاردىڭ وتباسىلارىنا ەلەۋمەتتٸك-قۇقىقتىق قولداۋ كٶرسەتۋ تەتٸگٸ ٸسكە قوسىلدى. سوت ورىنداۋشىلارى «FSM Social» ەلەكتروندىق پلاتفورماسىنا قوسىلىپ, بورىشكەرلەردٸ جۇمىسقا ورنالاستىرۋ, ەلەۋمەتتٸك جەنە رۋحاني كٶمەك كٶرسەتۋ جۇمىستارى تسيفرلىق فورماتتا جٷزەگە اسىرىلماق.
