فوتو: primeminister.kz
الماتى وبلىسىنا جۇمىس ساپارىمەن بارعان قر پرەمەر-مينيسترٸ ەليحان سمايىلوۆ تۇرعىن ٷي قۇرىلىسى, ينفراقۇرىلىم جەنە ٶنەركەسٸپتٸ دامىتۋ بارىسىمەن تانىسىپ, «جىلۋ ورتالىعى» جىلۋمەن جابدىقتاۋ كەسٸپورنىنىڭ جۇمىسىن تەكسەردٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسىنا جالپى ۇزىندىعى 66 كم ٷلكەن الماتى اينالما اۆتوموبيل جولىن (ٷاااج) سالۋ جٶنٸندەگٸ جوبانى ٸسكە اسىرۋ تۋرالى باياندالدى. بٷگٸنگٸ تاڭدا نەگٸزگٸ جەر جۇمىستارى جٷرگٸزٸلٸپ, بارلىق كٶپٸرلەر مەن جولايىرىقتار سالىندى. سونىمەن قاتار اۆتوجولدى اباتتاندىرۋ جەنە جولاقىسىن الۋدىڭ ينتەللەكتۋالدى جٷيەسٸن ٸسكە قوسۋ, كٶلٸك قۇرالدارىن ديناميكالىق ٶلشەۋ جۇمىستارى جالعاسۋدا.
پرەمەر-مينيستر اۆتوماگيسترال ٶڭٸردٸڭ ەكونوميكالىق دامۋىنا ايتارلىقتاي ەسەر ەتٸپ, ينۆەستيتسييالىق جەنە تۋريستٸك ەلەۋەتٸن ارتتىراتىنىن اتاپ ٶتتٸ. ٷاااج قىتاي مەن ەۋروپا اراسىنداعى ترانزيتتٸك تاسىمال كٶلەمٸن ۇلعايتۋعا, الماتىداعى كٶلٸك قوزعالىسىن جەڭٸلدەتۋگە مٷمكٸندٸك بەرەدٸ, ياعني قالا ەكولوگيياسىنا دا وڭ ەسەرٸن تيگٸزەدٸ.
«بۇل – مەملەكەتتٸك-جەكەمەنشٸك ەرٸپتەستٸك قاعيداتى بويىنشا ەلٸمٸزدە جٷزەگە اسىرىلىپ جاتقان ٶتە ماڭىزدى, العاشقى ينۆەستيتسييالىق جوبالاردىڭ بٸرٸ. ول ٶڭٸردٸڭ ەكونوميكالىق دامۋىنا تىڭ سەرپٸن بەرٸپ, جول قوزعالىسىنىڭ قاۋٸپسٸزدٸگٸن ارتتىرادى. ەكٸمدٸك ٷاااج-عا دەيٸنگٸ راديالدى جولداردى تەز اياقتاۋى كەرەك. ٷكٸمەت ٶز تاراپىنان قاجەتتٸ كٶمەك كٶرسەتەدٸ», — دەدٸ ەليحان سمايىلوۆ.
سونداي-اق پرەمەر-مينيستر Gate City سەرٸكتەس قالاسىنداعى «قويانقۇس» تۇرعىن اۋدانىندا جالپى الاڭى 290 مىڭ شارشى مەتردەن اساتىن 70 كٶپپەتەرلٸ تۇرعىن ٷيدٸڭ قۇرىلىسىمەن تانىستى. جۇمىستاردى 2024 جىلدىڭ سوڭىنا قاراي اياقتاۋ جوسپارلانعان.
G4 City-دٸ دامىتۋ تۇجىرىمداماسىنا سەيكەس ينتەگراتسييالانعان قالا تٶرت اۋداننان تۇرادى: Gate – ٸسكەرلٸك جەنە قارجى ورتالىعى, Golden – بٸلٸم بەرۋ جەنە مەديتسينالىق حابتار, Growing – ٶنەركەسٸپتٸك جەنە لوگيستيكالىق حابتار, Green – تۋريستٸك كلاستەر. قازٸرگٸ ۋاقىتتا Gate City اۋماعىندا ماگيسترالدىق ينجەنەرلٸك جەلٸلەر جٷرگٸزٸلٸپ, «قويانقۇس» تۇرعىن اۋدانىنىڭ قۇرىلىسى باستالدى.
«G4 City جاڭا جٸبەك جولىنىڭ بويىندا ورنالاسقان ەكونوميكالىق جەنە تۋريستٸك ورتالىققا اينالادى دەپ ويلايمىز. وبلىس ەكٸمدٸگٸ جوبانىڭ ەلەۋمەتتٸك باعىتىنا, ەڭ الدىمەن قالاداعى تۇرمىس ساپاسىنا بارىنشا كٶڭٸل بٶلۋٸ قاجەت», — دەدٸ ول.
سونىمەن قاتار قوناەۆ قالاسىندا ٷكٸمەت باسشىسى 2020 جىلى گازعا اۋىستىرىلعان «جىلۋ ورتالىعى» جىلۋمەن جابدىقتاۋ ۇيىمىنىڭ جۇمىسىمەن تانىستى. قازٸرگٸ ۋاقىتتا ول شامامەن 179,72 گكال/ساع ٶندٸرەدٸ جەنە 30 مىڭعا جۋىق ابونەنتتٸ, بيۋدجەتتٸك ۇيىمداردى جەنە باسقا دا وبەكتٸلەردٸ جىلۋ ەنەرگيياسىمەن قامتاماسىز ەتەدٸ.
ەليحان سمايىلوۆ جىلۋمەن جابدىقتاۋ كٶزدەرٸن گازعا اۋىستىرۋ ونىڭ ەنەرگييا تيٸمدٸلٸگٸن ارتتىرۋعا جەنە اتموسفەراعا شىعارىلاتىن زيياندى زاتتار قالدىقتارىن ەدەۋٸر تٶمەندەتۋگە مٷمكٸندٸك بەرگەنٸن اتاپ ٶتتٸ.
«قوناەۆ قالاسىنا وبلىس ورتالىعى مەرتەبەسٸن بەرۋ ونىڭ دامۋىنا ايتارلىقتاي سەرپٸن بەرٸپ, قالاعا كٶشٸپ كەلۋشٸ حالىقتىڭ سانىن كٶبەيتتٸ. سوعان سەيكەس ٶڭٸردە جىلۋ ەنەرگيياسىن تۇتىنۋعا سۇرانىستىڭ ٶسۋٸن ەسكەرە وتىرىپ, ەكٸمدٸك جىلۋ كٶزدەرٸنٸڭ قۋاتىن ارتتىرۋ مەسەلەلەرٸن پىسىقتاۋى قاجەت», — دەدٸ ول.
سونىمەن قاتار پرەمەر-مينيستر «كناۋف گيپس قاپشاعاي» جشس-عا باردى. كەسٸپورىن 2003 جىلى جەكە ينۆەستيتسييالار ەسەبٸنەن سالىندى جەنە گيپستەن جاسالعان بۇيىمدار, قۇرعاق قۇرىلىس قوسپالارىن, سونداي-اق مىرىشتالعان پروفيلدەر شىعارادى.
قازٸرگٸ ۋاقىتتا ٶندٸرٸس 100% قۋاتتىلىقپەن جۇمىس ٸستەۋدە. زاۋىت ٶنٸمدەرٸ ٸشكٸ نارىققا جەنە تاياۋ شەتەلدەرگە: اۋعانستان, قىرعىزستان, رەسەي, تەجٸكستان, تٷرٸكمەنستان جەنە ٶزبەكستان ەلدەرٸنە جەتكٸزٸلەدٸ. 2022 جىلى جالپى ٶندٸرٸس كٶلەمٸنٸڭ 30%-دان استامى ەكسپورتقا جٸبەرٸلدٸ.
ەليحان سمايىلوۆ ٷكٸمەت قۇرىلىس يندۋستريياسىندا جوعارى تەحنولوگييالىق كەسٸپورىندار قۇرۋدى بەلسەندٸ قولدايتىنىن, بۇل يمپورتتى الماستىرۋ كٶلەمٸن ۇلعايتۋعا مٷمكٸندٸك بەرەتٸنٸن اتاپ ٶتتٸ.
«شەتەلدٸك ينۆەستيتسييالاردى تارتا وتىرىپ, مۇنداي جوبالاردى ٸسكە اسىرۋ ينۆەستورلاردى قولداۋ باعىتىندا مەملەكەتتٸڭ سەنٸمدٸ كٶرسەتكٸشٸ بولىپ تابىلادى. وبلىس ەكٸمدٸگٸ جاڭا يندۋسترييالىق جوبالاردى ٸسكە قوسۋ ٷشٸن قولايلى جاعداي جاساۋدى ودان ەرٸ جالعاستىرۋى تيٸس», — دەدٸ ول.
