قازاقستاندىق گەنناديي گولوۆكين (42-1-1, 37 كو) مەكسيكالىق ساۋل "كانەلو" الۆارەسكە (57-2-2, 39 كو) قارسى ٷشٸنشٸ جەكپە-جەگٸ تۋرالى ويىن ايتتى, - دەپ حابارلايدى Tengrinews.kz اگەنتتٸگٸ Vesti.kz پورتالىنا سٸلتەمە جاساپ.
بوكسشى بۇل جايلى نيۋ-يوركتەگٸ باسپاسٶز مەسليحاتىندا مەلٸمدەدٸ.
"بۇل جەردە كانەلومەن قارسىلاس بولعانىم جاقسى. بۇل - بٸز ٷشٸن دە, بوكس ەلەمٸ ٷشٸن دە كەرەمەت جەكپە-جەك. مەن ٶز سٶزٸمنەن باس تارتپادىم. بٸزدە 17 قىركٷيەكتەگٸ جەكپە-جەك بار, سول كەزدە وسى تاقىرىپتى جاۋىپ, بارلىق مەسەلەنٸ شەشەمٸز. ايتىلعان دا, ايتىلماعان دا ورىندالادى", - دەدٸ گولوۆكين.
"ەر بوكسشى جەڭٸسكە جەتۋگە تىرىسادى. ەسٸرەسە, مۇنداي قارسىلاستى جەڭۋ. بٸزدٸڭ ەلٸ شەشٸلمەگەن مەسەلەلەرٸمٸز بار", - دەپ قوستى ول.
"مەن سول كٷنٸ ٶزٸمنٸڭ ٷزدٸك نۇسقامدى كٶرسەتەتٸنٸمە سٶزسٸز كەپٸلدٸك بەرەمٸن. قولىمنان كەلگەننٸڭ بەرٸن كٶرسەتەمٸن, بۇل مەنٸڭ ەڭ جاقسى نۇسقام بولادى", - دەپ تٷيٸندەدٸ GGG.
