ماڭعىستاۋدا كٶكتايعاقتان بەس ادام قازا تاپقان ٸس بويىنشا العاش رەت جول قىزمەتٸنٸڭ باسشىسى سوتتالدى, دەپ حابارلايدى ult.kz.
ماڭعىستاۋ وبلىسىنىڭ بەينەۋ اۋداندىق سوتى بەس ادامنىڭ ٶمٸرٸن قيعان جول اپاتىنا قاتىستى قىلمىستىق ٸس بويىنشا ٷكٸم شىعاردى. بۇل – قازاقستاندا اۆتوجولدى قىس مەزگٸلٸندە تيٸسٸنشە كٷتٸپ ۇستاماعانى ٷشٸن ادام ٶلٸمٸنە بايلانىستى قىلمىستىق جاۋاپكەرشٸلٸككە تارتىلعان العاشقى ٸس.
قايعىلى وقيعا 2026 جىلعى 16 قاڭتاردا رەسپۋبليكالىق ماڭىزى بار «دوسسور – قۇلسارى – بەينەۋ – ساي-ٶتەس – شەتپە – جەتٸباي – اقتاۋ» تاسجولىندا بولعان. كٶكتايعاق سالدارىنان Yutong جولاۋشىلار اۆتوبۋسى جولدان شىعىپ كەتٸپ, اۋدارىلعان. اپاتتان بەس ادام قازا تاۋىپ, تاعى 14 جولاۋشى تٷرلٸ دەنە جاراقاتىن العان.
ٸستٸ باس كٶلٸك پروكۋراتۋراسىنىڭ ارنايى پروكۋرورلارى تەرگەدٸ. تەرگەۋ بارىسىندا جول-كٶلٸك وقيعاسىنا اۆتوجولدىڭ قىسقى كەزەڭدە تالاپقا ساي كٷتٸپ ۇستالماۋى سەبەپ بولعانى انىقتالدى. سونداي-اق جاۋاپتى تۇلعالاردىڭ ەرەكەتسٸزدٸگٸ مەن ورىن العان اۋىر سالداردىڭ اراسىندا تٸكەلەي سەبەپ-سالدارلىق بايلانىس بارى دەلەلدەنگەن.
سوت «كاجسەرۆيس» جشس ماڭعىستاۋ وبلىستىق فيليالىنىڭ №57 جول پايدالانۋ بٶلٸمشەسٸنٸڭ باستىعىن قىلمىستىق كودەكستٸڭ 353-بابىنىڭ 4-بٶلٸگٸ بويىنشا كٸنەلٸ دەپ تانىدى. وعان 2 جىل 6 اي مەرزٸمگە شارتتى تٷردە باس بوستاندىعىنان ايىرۋ جازاسى تاعايىندالدى.
ايتا كەتەيٸك, سوت ٷكٸمٸ ەزٸرگە زاڭدى كٷشٸنە ەنگەن جوق.
