"الماتى-اتىراۋ" پويىزىنىڭ ۆاگوندارىنىڭ بٸرٸندە ادام جٷرەتٸن جەردە ۇيىقتاپ جاتقانداردىڭ سۋرەتٸ جەلٸدە كٶپ تالقىلانعان بولاتىن. داۋعا اينالعان سۋرەتتەن كەيٸن پويىز باسشىسى جۇمىسىنان قۋىلدى. بۇل تۋرالى kaz.tengrinews.kz تٸلشٸسٸنە "جولاۋشىلار تاسىمالى" اق باسقارما تٶراعاسى نۇردەۋلەت قيلىباي حابارلادى.
ەسكە سالايىق, تاياۋدا پويىز ۆاگوندارىندا بيلەتسٸز ادامداردىڭ بالالارىمەن بٸرگە ۇيىقتاپ جاتقان سۋرەت پايدا بولعان ەدٸ. سۋرەتتٸ جەلٸگە جٷكتەگەن ادامنىڭ ايتۋىنشا, سۋرەت 12 تامىزدا "الماتى-اتىراۋ" (№041) حابارلاماسىنداعى پويىزدا تٷسٸرٸلٸپتٸ.
"بۇل سۋرەتتٸڭ راس-ٶتٸرٸگٸ ناقتىلانبادى. بۇعان قاراماستان, پويىز باسشىسى ٶز قىزمەتٸنەن بوساتىلدى", - دەپ حابارلادى قيلىباي.
"جولاۋشىلار تاسىمالى" اق باسقارما تٶراعاسىنىڭ ايتۋىنشا, مۇنداي شارالار جولاۋشىلاردىڭ بۇل پويىزدا وسىنداي جاعدايلاردىڭ جيٸلەپ كەتكەنٸ تۋرالى شاعىمدارىنان كەيٸن قابىلدانىپتى.
"بۇعان دەيٸن مۇنداي شاعىمدار كەلٸپ تٷسكەن ەدٸ, وسىعان بايلانىستى ونى باسقا قىزمەتكە اۋىستىردىق. ەندٸ ول ۋچاسكە باسشىسى ەمەس", - دەدٸ باسقارما تٶراعاسى.
