"Almaty-Atyraý" poiyzynyń vagondarynyń birinde adam júretin jerde uiyqtap jatqandardyń sýreti Jelide kóp talqylanǵan bolatyn. Daýǵa ainalǵan sýretten keiin poiyz basshysy jumysynan qýyldy. Bul týraly kaz.tengrinews.kz tilshisine "Jolaýshylar tasymaly" AQ basqarma tóraǵasy Nurdáýlet Qilybai habarlady.
Eske salaiyq, taiaýda poiyz vagondarynda biletsiz adamdardyń balalarymen birge uiyqtap jatqan sýret paida bolǵan edi. Sýretti Jelige júktegen adamnyń aitýynsha, sýret 12 tamyzda "Almaty-Atyraý" (№041) habarlamasyndaǵy poiyzda túsirilipti.
"Bul sýrettiń ras-ótirigi naqtylanbady. Buǵan qaramastan, poiyz basshysy óz qyzmetinen bosatyldy", - dep habarlady Qilybai.
"Jolaýshylar tasymaly" AQ basqarma tóraǵasynyń aitýynsha, mundai sharalar jolaýshylardyń bul poiyzda osyndai jaǵdailardyń jiilep ketkeni týraly shaǵymdarynan keiin qabyldanypty.
"Buǵan deiin mundai shaǵymdar kelip túsken edi, osyǵan bailanysty ony basqa qyzmetke aýystyrdyq. Endi ol ýchaske basshysy emes", - dedi basqarma tóraǵasy.
