ٶتكەن جىلى قازاقستاننىڭ كٸتاپ قورى ەكٸ سٷبەلٸ ەڭبەكپەن تولىقتى.
«ورحون» باسپا ٷيٸنٸڭ مۇرىندىق بولۋىمەن ۆەتنام مەملەكەتٸنٸڭ ۇلى قايراتكەرٸ حو شي ميننٸڭ ٶمٸرباياندىق تۋىندىسى مەن پەكٸستاندىق زەرتتەۋشٸ عالىم يشتياق قۇسايىن قۇرەشيدٸڭ «پەكٸستان ٷشٸن كٷرەس» كٸتابى قازاق تٸلٸنە اۋدارىلدى. بۇل ەكٸ كٸتاپتى جارىق كٶرۋٸنە ۆەتنام سوتسياليستٸك رەسپۋبليكاسى مەن پەكٸستان يسلام رەسپۋبليكاسىنىڭ قازاقستانداعى ەلشٸلٸكتەرٸ جان-جاقتى قولداۋ كٶرسەتتٸ.
بۇل تۋىندىلاردىڭ باستى ەرەكشەلٸگٸ – اتالعان ەڭبەكتەر قازاق تٸلٸنە اعىلشىن تٸلٸنەن تٸكەلەي تەرجٸمالانعان. شەتەلدٸك جەدٸگەرلەردٸڭ قازاقشاعا اۋدارعان بەلگٸلٸ شىعىستانۋشى, تٸل مامانى – الماس مەسەلٸم. ونىڭ ايتۋىنشا ەر كٸتاپتى اۋدارۋعا شامامەن توعىز ايداي ۋاقىت جۇمسالعان.
«وقىرمانعا جەڭٸل بولۋ ٷشٸن, بارىنشا جاتىڭقى ەتٸپ اۋداردىق. حو شي مين تۋرالى كٸتاپتا قازاقشا مەتٸن مەن اعىلشىنشا مەتٸن قاتار بەرٸلگەن. ەكەۋٸن سالىستىرىپ وقۋعا مٷمكٸندٸك بار. سونداي-اق ۆەتنام ۇلت-ازاتتىق قوزعالىسى كٶشباسشىسىنىڭ ەر جىلدارى تٷسكەن فوتولارى دا قوسا بەرٸلدٸ. ال, «پەكٸستان ٷشٸن كٷرەس» كٸتابىندا 19-20 عاسىرلارداعى وڭتٷستٸك ازييا سۋبكونتينەنتٸندە ورىن العان ساياسي وقيعالار, ونىڭ ٸشٸندە مۇسىلمان قاۋىمىنىڭ جەكە تەۋەلسٸز پەكٸستان مەملەكەتٸن قۇرۋ جولىنداعى كٷرەسٸ باياندالادى», - دەيدٸ ا.مەسەلٸم.
«ورحون» باسپا ٷيٸ وسى باعىتتاعى جۇمىستاردى ارى قاراي جالعاستىرىپ, الداعى جىلى تاعى دا بٸرقاتار حالىقارالىق ەڭبەكتەردٸ قازاق تٸلٸنە اۋدارۋدى جوسپارلاپ وتىر.
