دٸنارالىق جەنە مەدەنيەتارالىق ديالوگتى دامىتۋ, شىعىس پەن باتىس ٶركەنيەتتەرٸ اراسىنداعى تٷسٸنٸستٸكتٸ تەرەڭدەتۋ. ەلەمدٸك جەنە دەستٷرلٸ دٸن ليدەرلەرٸ سەزٸ وسى مٸندەتتەردٸ ورىنداۋعا ٶز سەپتٸگٸن تيگٸزەتٸن شارالار قاتارىندا. ساناۋلى كٷندەردەن كەيٸن سەزد حاتشىلىعىنىڭ كەزەكتٸ وتىرىسى ٶتەدٸ. وعان كٸمدەر قاتىسادى, شارا اياسىندا قانداي تاقىرىپتار كٶتەرٸلەدٸ?
ەلەمدٸك جەنە دەستٷرلٸ دٸن ليدەرلەرٸ سەزٸنٸڭ باستى ورتالىعى – بەيبٸتشٸلٸك جەنە كەلٸسٸم سارايى. ساراپشىلاردىڭ پٸكٸرٸنشە, وسى الاڭ ارقىلى قازاق ەلٸ ەلەمدٸك بٸرلٸككە, تاتۋلىق پەن دوستىققا ٷلەسٸن قوسىپ جاتىر. دٸنباسشىلارىنىڭ العاشقى كەزدەسۋٸ 2003 جىلى ٶتتٸ.
"شەتەلدە ەكٸ مىڭىنشى جىلداردىڭ باسىندا دٸنارالىق قارىم-قاتىناس ٶرشٸپ كەتتٸ. حالىقتار بٸر-بٸرٸنە قارسى شىعىپ, سول كەزدە بٸزدٸڭ سەزدٸڭ ٶمٸرگە كەلۋٸ ٶتە بٸر دۇرىس ۋاقىتىندا بولدى دەپ ەسەپتەيمٸن" - دەيدٸ ۇيىمداستىرۋ توبىنىڭ ٶكٸلٸ رۋسلان احمەت.
سول قاجەتتٸلٸككە قاراي باستالعان شارا كەيٸن دەستٷرگە اينالدى. سەزد 20 جىلدا 7 رەت ۇيىمداستىرىلدى. وعان 58 ەلدەن دەلەگات قاتىستى. نەتيجەسٸندە بٸرلەسكەن دەكلاراتسييالار قابىلدانىپ, ەلەم حالقى مەن ٷكٸمەتتەرگە ٷندەۋلەر جاسالدى.
"قازاقتا سٶز بار كٶزدەن كەتكەن, كٶڭٸلدەن كەتەدٸ دەگەن. سوندىقتان بٸز بارىنشا بٸر-بٸرٸمٸزبەن كەزدەسٸپ وتىرۋ ارقىلى مۇسىلمانننىڭ بٸرلٸگٸن نىعايتۋعا ٷلەسٸن قوسادى. ودان ەرٸ قاراي ايتاتىن بولساق ەرتٷرلٸ دٸندەردٸڭ بٸر ٷستەل باسىنا جينالۋى ولاردىڭ ىمىراعا, ىنتىماققا كەلۋٸنە سەبەپ بولادى" - دەيدٸ باس مٷفتي, قازاقستان مۇسىلماندارى دٸني باسقارماسىنىڭ تٶراعاسى ناۋرىزباي قاجى تاعانۇلى.
سەزد ەرتٷرلٸ كٷن تەرتٸبٸمەن, قاتىسۋشىلاردىڭ ەرەكشە فورماتىمەن, ساياسي يكەمدٸلٸگٸمەن ەرەكشەلەنەدٸ. قاتىسۋشىلار سانىنىڭ ٶسۋٸ جەنە كٷن تەرتٸبٸندە تالقىلاناتىن مەسەلەلەردٸڭ دامۋىمەن فورۋمنىڭ باعدارلاماسى دا ايتارلىقتاي كەڭەيدٸ. تەك پلەنارلىق سەسسييالار عانا ەمەس, سونىمەن قاتار بٸرنەشە سەكتسييالىق وتىرىستار تٷرٸندە ٶتكٸزٸلەتٸن بولدى.
حاتشىلىق وتىرىسى قازاننىڭ 11 كٷنٸ ٶتەدٸ. قازٸردٸڭ ٶزٸندە وعان 20 ەلدەن 35 دەلەگات قاتىساتىندىعى راستالىپتى. جيىندا كەلەسٸ سەزدٸڭ تاقىرىپتارى قارالىپ, الداعى 10 جىلدىڭ دامۋ تۇجىرىمداماسى تالقىلانادى.
«حابار» ارناسى
