قادٸرلٸ جەرلەستەرٸم, باعا جەتپەس بايلىعىم – حالقىم! قازٸر بٸز اسا اۋىر كەزەڭدە تۇرمىز. مۇنداي سىني شاقتا قازاققا اۋىزبٸرلٸك اۋاداي قاجەت.
ٶيتكەنٸ مەڭگٸلٸك ەلدٸڭ باستى قۋاتى – ونىڭ بٸرلٸگٸندە, قيىندىقتى تاباندىلىقپەن ەڭسەرە الۋىندا. ۇلان بايتاق قازاق جەرٸن اق نايزانىڭ ۇشىمەن, اق بٸلەكتٸڭ كٷشٸمەن ساقتاپ قالعان بابالار جەڭٸسٸنٸڭ باستى كٸلتٸ – وسى بٸرلٸگٸندە بولاتىن. الاۋىزدىققا بوي الدىرعان تالاي مەملەكەتتٸڭ توز-توز بولىپ, جەر بەتٸنەن جوق بولىپ كەتكەنٸنە كەرٸ تاريح كۋە. سودان ساباق الۋىمىز كەرەك. ٶيتكەنٸ بٷگٸنگٸ بٸزدٸڭ بەتپە-بەت كەلٸپ وتىرعان جاعدايىمىز دا مايداننىڭ بٸر تٷرٸ. قارۋ الىپ سوعىس دالاسىنا شىقپاعانىمىزبەن, اقىل-پاراسات, سانا مەن مەدەنيەتتٸڭ سىنعا تٷسەر شاعى.
سوندىقتان دا پرەزيدەنتٸمٸز قاسىم-جومارت توقاەۆتىڭ قابىلداپ جاتقان شەشٸمدەرٸنە تولىق قوسىلىپ, بٸر جاعادان باس, بٸر جەڭنەن قول شىعاراتىن اسا جاۋاپتى, كەزەك كٷتتٸرمەس كەزەڭگە كەلدٸك. قازٸرگٸ جاعدايدا بەرٸمٸزدٸ جەكە باس مٷددەسٸ ەمەس, تۇتاس ۇلت بولىپ قالۋ مەسەلەسٸ الاڭداتۋى كەرەك. ال ەڭسەلٸ ەل بولىپ, قاناتىمىزدى كەڭگە جايۋىمىز قازاقتىڭ اماندىعىنا, ياعني ەرقايسىمىزدىڭ ۇلت الدىنداعى جاۋاپكەرشٸلٸكتٸ سەزٸنۋٸمٸزگە تٸكەلەي بايلانىستى. سەبەبٸ بۇل جاعدايداعى بٸزدٸڭ ەربٸر سالعىرت ەرەكەتٸمٸز, نەمقۇرايلى نيەتٸمٸز ەرتەڭ ورنى تولماس ٶكٸنٸشكە الىپ كەلۋٸ مٷمكٸن.
راس, قازٸر حالىق شاراسىزدىقتان اشۋعا بوي الدىرعان. قورقىنىش پەن ٷرەي باسىم. ول زاڭدى دا. الايدا بۇل ٷرەي تەك ٶز ٶمٸرٸ مەن جاقىندارىنىڭ ساۋلىعى ٷشٸن عانا ەمەس, تۇتاس ۇلتتىڭ اماندىعىمەن استاسىپ جاتۋى كەرەك. بٸزگە قازٸر مەيٸرٸم اۋاداي قاجەت. بٸر-بٸرٸمٸزگە دەگەن قامقورلىق, جىلىلىق ھەم اۋىزبٸرلٸك قانا بۇل اجداھا ٸندەتتٸڭ قۇرساۋىنان امان الىپ قالا الماق.
ٸندەت ەلٸمٸزدەگٸ بايلار مەن كەدەيلەر اراسىنداعى تەڭسٸزدٸكتٸ, ادامداردىڭ تۇرمىسى اراسىنداعى الشاقتىقتى ايقىن كٶرسەتٸپ بەردٸ. جٷرەكتٸ اۋىرتاتىن دا وسى جاعداي. بٸزگە ەندٸ شىنىمەن ويلانۋ كەرەك. ادام بايلىقتى قانشا جيعانىمەن, قاتتالعان قازىناسىن قىزعىشتاي قورىعانىمەن, قارا جەرگە ٶزٸمەن بٸرگە الىپ كەتە المايدى. ەسەسٸنە, وسىنداي قيىن شاقتا مۇقتاج جاندارعا قول ۇشىن سوزىپ, مول ساۋاپقا كەنەلە الادى. ياعني ٶمٸردٸڭ مەنٸ – بايلىقتا ەمەس, دەننٸڭ ساۋلىعىندا, ادامزاتتىڭ اماندىعىندا ەكەن. ەلەمدٸ جايلاعان مىنا جاعداي سول پەيٸلٸمٸزدٸڭ كٶرٸنٸسٸ شىعار بەلكٸم, كٸم بٸلسٸن?
ٶيتكەنٸ بٷگٸنگٸ زاماندا ادامنىڭ پەيٸلٸ تارىلىپ, قۋ دٷنيەنٸڭ قۇلى بولىپ كەتتٸ. سونىڭ سالدارىنان مەيٸرٸم, جٷرەك, جان جىلۋى سىندى ادامي اياۋلى سەزٸمدەر, رۋحاني قۇندىلىقتاردىڭ قادٸرٸ دە قۇلدىرادى. بۇل ٸندەت وسى نيەتٸمٸزدٸ تٷزەپ, ەر ادامنىڭ ٶمٸر مەنٸ تۋراسىندا ويلانۋىنا جٸبەرٸلگەن سىناق پا دەپ تە ويلايمىن. كٷن سايىن ەستٸرتٸپ جاتقان ٶلٸم مەن جوقتاۋ ساي-سٷيەگٸڭدٸ سىرقىراتادى. جاراتقان يەم جاقىندارىمىزدى جوعالتۋدان, قازاقتىڭ قىناداي قىرىلۋىنان ساقتاعاي!
ويلانساق ەكەن! تٷيسٸكپەن تٷسٸنسەك ەكەن. ەر ادام ٶز ەرەكەتٸ, ساقتىق شارالارىن ساقتاۋى ارقىلى كٷللٸ ەلەمدٸ قۇتقارۋعا سەپتەسە الاتىندىعىن ۇعىنسا ەكەن. حالقىم توي-تومالاقتى, جيىن-باسقوسۋلاردى شەكتەي تۇرىپ, ۇلت ساۋلىعىن بٸرٸنشٸ ورىنعا قويسا دەگەن ٷلكەن تٸلەگٸم بار.
تٷسٸنەمٸن, ايلار بويى تٶرت قابىرعاعا قامالىپ وتىرۋ وڭاي ەمەس. بٸراق قيىن دا بولسا بۇل سىناققا تٶزۋٸمٸز قاجەت. ەلٸمٸزدٸڭ ەرتەڭٸ, جاستاردىڭ بولاشاعى ٷشٸن! مٸنە, 4 ايدان اسا ۋاقىت ٷيدە وتىرمىن. مەن دە ەبدەن جالىعىپ كەتتٸم. بٸراق امال قانشا?! تٶزۋٸمٸز كەرەك! سەبەبٸ ەرقايسىمىزدىڭ ەرەكەتٸمٸزدٸڭ ارتىندا ۇلتتىڭ بولاشاعى, بارشا ادامزاتتىڭ اماندىعى تۇر. پرەزيدەنتٸمٸز قاسىم-جومارت توقاەۆ تا وسى بٸر قيىن جاعدايدان شىعۋدىڭ جولىن ٸزدەپ شىرىلداپ جٷر. ەلٸمٸزدٸڭ تٸزگٸنٸن ۇستاعان اردا ازاماتقا دەل قازٸرگٸ قيىن شاقتا قولداۋ بٸلدٸرۋٸمٸز كەرەك.
ۇلتىمىزدى امان الىپ قالۋ دەيتٸن ۇلى يدەيانىڭ, ماعىنالى ماقساتتىڭ تٶڭٸرەگٸنە ۇيىسۋىمىز كەرەك. ەربٸر ادام, قىزمەتكەر وسى سىندى ەڭسەرۋ ٷشٸن دە جانىن سالۋى, ادال قىزمەت ەتۋٸ قاجەت. ولاي بولمايىنشا, جاعدايىمىز قيىن. جولايرىققا كەلٸپ تۇرمىز با دەپ تە ويلايمىن كەيدە. ٶتكەندە پرەزيدەنت ايتقانداي, قازٸر توي تويلايتىن ەمەس, تۇتاس ۇلت بولىپ ۇيىسۋدىڭ, امان قالۋدىڭ جولىن ويلاپ, ٸزدەيتٸن ۋاقىت.
قازاقشىلىقتى قويىپ, ادامشىلىققا كٶشۋٸمٸز كەرەك! ٶيتكەنٸ ەلەمدٸ مەيٸرٸم مەن ادامشىلىق قانا قۇتقارا الادى! وسىنى بٸر سەتتە ەسٸمٸزدەن شىعارماساق ەكەن!
اللا لايىم اماندىعىمىزدان ايىرماسىن!
اسانەلٸ ەشٸموۆ,
كسرو جەنە قازاقستاننىڭ حالىق ەرتٸسٸ,
قازاقستاننىڭ ەڭبەك ەرٸ, مەملەكەتتٸك سىيلىقتىڭ لاۋرەاتى
"ەگەمەن قازاقستان" گازەتٸ
