دٷنيەجٷزٸلٸك دەنساۋلىق ساقتاۋ ۇيىمى (ددسۇ) دەكسامەتازوندى پايدالانۋدا ساق بولۋعا شاقىرادى. بريتاندىق عالىمداردىڭ پٸكٸرٸنشە, دەكسامەتازون Covid-19 ۆيرۋسىمەن اۋىرىپ جاتقان اۋىر حالدەگٸ ناۋقاستاردىڭ ٶمٸرٸن قۇتقارادى. ددسۇ پرەپاراتتى تەك دەرٸگەرلەردٸڭ باقىلاۋىمەن عانا قولدانۋ كەرەك ەكەنٸن اتاپ ٶتتٸ, دەپ حابارلايدى قازاقپارات بي-بي-سيگە سٸلتەمە جاساپ.
ددسۇ اتاپ ٶتكەندەي, دەرٸ-دەرمەك ۆيرۋستىڭ الدىن الاتىنى نەمەسە اۋرۋدىڭ جەڭٸل تٷرٸمەن اۋىراتىن ناۋقاستارعا كٶمەكتەسۋٸ مٷمكٸن ەكەنٸ تۋرالى مەلٸمەتتەر جوق.
دجونس حوپكينس ۋنيۆەرسيتەتٸنٸڭ ستاتيستيكاسى بويىنشا ەلەمدە Covid-19 جۇقتىرۋ جاعدايلارىنىڭ سانى 8,2 ملن ادامدى قۇرادى. ۆيرۋستان 444 مىڭعا جۋىق ادام كٶز جۇمعان.
اۋرۋ جۇقتىرعانداردىڭ باسىم كٶپشٸلٸگٸ اقش-تا. وندا 2,1 ميللين ادام كوروناۆيرۋس جۇقتىرعان. اقش-تىڭ ٸزٸنشە لاتىن امەريكاسى, ونىڭ ٸشٸندە برازيلييا كەلەدٸ. اۋرۋدى باقىلاۋ جەنە الدىن الۋ ەۋروپالىق ورتالىقتىڭ مەلٸمەتٸنشە, وڭتٷستٸك افريكادا راستالعان جاعدايلار سانى – 1,6 ملن.
وسى تۇرعىدا بەيجٸڭ بيلٸگٸ Covid - 19 ەكٸنشٸ تولقىنىنىڭ الدىن الۋعا تىرىسادى. قالا ٸس جٷزٸندە سىرتقى ەلەمنەن وقشاۋلانعان. سەرسەنبٸ كٷنٸ بەيجٸڭ ەۋەجايى مىڭنان استام رەيستٸ توقتاتتى.
سانتياگودا كارانتين كٷشەيتٸلدٸ
چيلي استاناسى سانتياگودا ەلدەگٸ اۋرۋ جۇقتىرۋ سانى كٷرت ٶسكەننەن كەيٸن كارانتين رەجيمٸ كٷشەيتٸلدٸ.
چيلي - وڭتٷستٸك امەريكاداعى پاندەمييادان كٶپ زارداپ شەككەن ەلدەردٸڭ بٸرٸ. دەنساۋلىق ساقتاۋ مينيسترلٸگٸنٸڭ مەلٸمەتٸ بويىنشا, ەلدە 220,6 مىڭنان استام ادامنان Covid-19 اۋرۋى انىقتالعان. 3,3 مىڭنان استام ادام قايتىس بولعان.
شۆەتسييادا 5000 ادام قايتىس بولعان
شۆەتسييا بيلٸگٸ Covid-19 پاندەميياسىنان ەلدە 5000 ادام قايتىس بولعانىن جارييالادى. بۇل كٶرشٸلەس ەلدەرگە قاراعاندا ەلدەقايدا كٶپ. شۆەد بيلٸگٸ پاندەمييانىڭ باستالعاندا قاتاڭ كارانتين ەنگٸزبەۋ تۋرالى شەشٸم قابىلداعان بولاتىن.
اقش-تىڭ ٷش شتاتىندا ينفەكتسييانىڭ تەۋلٸكتٸك دەڭگەيٸ رەكوردتىق كٶرسەتكٸشكە جەتكەن
اريزونا, فلوريدا جەنە تەحاس شتاتىنىڭ بيلٸگٸ سوڭعى 24 ساعات ٸشٸندە كوروناۆيرۋس اۋرۋىنىڭ رەكوردتىق سانىن مەلٸمدەدٸ. اقش-تىڭ وسى ٷش شتاتىنىڭ ەرقايسىسىندا شامامەن 2500 جاعداي تٸركەلگەن.
فلوريدا گۋبەرناتورى رون دە سانتيس باسپاسٶز مەسليحاتىندا ينفەكتسييالار سانىنىڭ كٶبەيۋٸن كارانتين رەجيمٸنٸڭ ەلسٸرەۋٸمەن بايلانىستىرمايتىنىن ايتتى.
"بٸز جابىلمايمىز. قوعام جۇمىسىن جالعاستىرۋى كەرەك", - دەدٸ ول.
اقش-تىڭ باس ەپيدەميولوگى ەنتوني فاۋكي اقش ەلٸ دە كوروناۆيرۋستىق پاندەمييانىڭ العاشقى تولقىنىن باستان ٶتكەرٸپ جاتقانىن ايتتى.
باسقا ەلدەردەگٸ جاعداي
گەرمانيياداعى ەت كومبيناتىندا كوروناۆيرۋستىڭ ٶرشۋٸنە بايلانىستى 7 مىڭعا جۋىق ادامدى وقشاۋلاۋ تۋرالى شەشٸم قابىلداندى. ۆيرۋس كەسٸپورىننىڭ 400-دەن استام قىزمەتكەرٸنەن انىقتالدى. گوندۋراس پرەزيدەنتٸ حۋان ورلاندو ەرناندەس Covid-19 جۇقتىرىپ, اۋرۋحاناعا جاتقىزىلدى. ونىڭ باسپاسٶز حاتشىسى پرەزيدەنت پنەۆمونييا ەكەنٸن حابارلادى. پرەزيدەنتتٸڭ زايىبىنان دا كوروناۆيرۋس انىقتالدى, بٸراق ونىڭ اۋرۋى سيمپتومسىز. بريتانييادا ٷش اي ٷزٸلٸستەن كەيٸن فۋتبولدان پرەمەر-ليگا ويىندارى قايتا جانداندى. ويىندار بوس ستاديونداردا ٶتەدٸ.
برازيلييادا تەۋلٸگٸنە 35 مىڭعا جۋىق كوروناۆيرۋس جۇقتىرۋ جاعدايى تٸركەلەدٸ. اپتا سوڭىنا قاراي مۇندا بٸر ميلليون ادامنان اسادى.
لاتىن امەريكاسى پاندەمييانىڭ جاھاندىق ورتالىعىنا تەز اينالۋدا. اقش ۆيرۋس جۇقتىرۋ سانى بويىنشا ەلەمدە كٶش باستاپ تۇر.
