Dúniejúzilik densaýlyq saqtaý uiymy (DDSU) deksametazondy paidalanýda saq bolýǵa shaqyrady. Britandyq ǵalymdardyń pikirinshe, deksametazon Covid-19 virýsymen aýyryp jatqan aýyr haldegi naýqastardyń ómirin qutqarady. DDSU preparatty tek dárigerlerdiń baqylaýymen ǵana qoldaný kerek ekenin atap ótti, dep habarlaidy QazAqparat Bi-Bi-Sige silteme jasap.
DDSU atap ótkendei, dári-dármek virýstyń aldyn alatyny nemese aýrýdyń jeńil túrimen aýyratyn naýqastarǵa kómektesýi múmkin ekeni týraly málimetter joq.
Djons Hopkins ýniversitetiniń statistikasy boiynsha álemde Covid-19 juqtyrý jaǵdailarynyń sany 8,2 mln adamdy qurady. Virýstan 444 myńǵa jýyq adam kóz jumǵan.
Aýrý juqtyrǵandardyń basym kópshiligi AQSh-ta. Onda 2,1 millin adam koronavirýs juqtyrǵan. AQSh-tyń izinshe Latyn Amerikasy, onyń ishinde Braziliia keledi. Aýrýdy baqylaý jáne aldyn alý eýropalyq ortalyqtyń málimetinshe, Ońtústik Afrikada rastalǵan jaǵdailar sany – 1,6 mln.
Osy turǵyda Beijiń biligi Covid - 19 ekinshi tolqynynyń aldyn alýǵa tyrysady. Qala is júzinde syrtqy álemnen oqshaýlanǵan. Sársenbi kúni Beijiń áýejaiy myńnan astam reisti toqtatty.
Santiagoda karantin kúsheitildi
Chili astanasy Santiagoda eldegi aýrý juqtyrý sany kúrt óskennen keiin karantin rejimi kúsheitildi.
Chili - Ońtústik Amerikadaǵy pandemiiadan kóp zardap shekken elderdiń biri. Densaýlyq saqtaý ministrliginiń málimeti boiynsha, elde 220,6 myńnan astam adamnan Covid-19 aýrýy anyqtalǵan. 3,3 myńnan astam adam qaitys bolǵan.
Shvetsiiada 5000 adam qaitys bolǵan
Shvetsiia biligi Covid-19 pandemiiasynan elde 5000 adam qaitys bolǵanyn jariialady. Bul kórshiles elderge qaraǵanda áldeqaida kóp. Shved biligi pandemiianyń bastalǵanda qatań karantin engizbeý týraly sheshim qabyldaǵan bolatyn.
AQSh-tyń úsh shtatynda infektsiianyń táýliktik deńgeii rekordtyq kórsetkishke jetken
Arizona, Florida jáne Tehas shtatynyń biligi sońǵy 24 saǵat ishinde koronavirýs aýrýynyń rekordtyq sanyn málimdedi. AQSh-tyń osy úsh shtatynyń árqaisysynda shamamen 2500 jaǵdai tirkelgen.
Florida gýbernatory Ron De Santis baspasóz máslihatynda infektsiialar sanynyń kóbeiýin karantin rejiminiń álsireýimen bailanystyrmaitynyn aitty.
"Biz jabylmaimyz. Qoǵam jumysyn jalǵastyrýy kerek", - dedi ol.
AQSh-tyń bas epidemiology Entoni Faýki AQSh áli de koronavirýstyq pandemiianyń alǵashqy tolqynyn bastan ótkerip jatqanyn aitty.
Basqa elderdegi jaǵdai
Germaniiadaǵy et kombinatynda koronavirýstyń órshýine bailanysty 7 myńǵa jýyq adamdy oqshaýlaý týraly sheshim qabyldandy. Virýs kásiporynnyń 400-den astam qyzmetkerinen anyqtaldy. Gondýras prezidenti Hýan Orlando Ernandes Covid-19 juqtyryp, aýrýhanaǵa jatqyzyldy. Onyń baspasóz hatshysy prezident pnevmoniia ekenin habarlady. Prezidenttiń zaiybynan da koronavirýs anyqtaldy, biraq onyń aýrýy simptomsyz. Britaniiada úsh ai úzilisten keiin fýtboldan Premer-liga oiyndary qaita jandandy. Oiyndar bos stadiondarda ótedi.
Braziliiada táýligine 35 myńǵa jýyq koronavirýs juqtyrý jaǵdaiy tirkeledi. Apta sońyna qarai munda bir million adamnan asady.
Latyn Amerikasy pandemiianyń jahandyq ortalyǵyna tez ainalýda. AQSh virýs juqtyrý sany boiynsha álemde kósh bastap tur.
