العاش رەت قىتايدىڭ ۋحان قالاسىندا تٸركەلگەن COVID-19 ينفەكتسيياسى بٷگٸندە ەلەمدە جارتى ميلليوننان استام ادامنىڭ ٶمٸرٸن جالمادى. وسىعان وراي ەلەمنٸڭ بٸرقاتار ەلٸندە كوروناۆيرۋس ٸندەتٸنەن قازا تاپقانداردى ەسكە الۋعا ارنالعان قارالى جيىن ٶتتٸ, دەپ حابارلايدى قازاقپارات.
قىتايدا ادامداردى قۇتقارىپ قالۋ ٷشٸن ٶز ٶمٸرٸن قۇربان ەتكەن دەرٸگەرلەر مەن كوروناۆيرۋستان قازا تاپقان ازاماتتاردى جالپىۇلتتىق ازا تۇتۋ كٷنٸ 4 سەۋٸردە ٶتتٸ.
قىتاي تۇرعىندارى جاڭا كوروناۆيرۋستان قازا تاپقانداردى ٷش مينۋت ٷنسٸزدٸكپەن ازا تۇتتى. ازا تۇتۋ بەلگٸسٸ رەتٸندە دابىل قاعىلىپ, اۆتوموبيلدەر, پويىزدار مەن كەمەلەر گۋدوكتارىن قوستى. بٷكٸل ەلدە تۋ تٶمەن تٷسٸرٸلٸپ, بارلىق ويىن-ساۋىق جەنە قوعامدىق شارالارعا تىيىم سالىندى. قحر-دىڭ ۆەدومستۆولىق, ۇلتتىق باق جەنە قىتاي ٸزدەۋ سايتتارى ۆيرۋستان قازا تاپقانداردى ازا تۇتۋعا بايلانىستى قارا-اق تٷسپەن بەزەندەندٸرٸلدٸ.
قۇرلىقتىق قىتايدا كوروناۆيرۋس جۇقتىرعانداردىڭ سانى 85,5 مىڭ ادامنان استى.
ەۋروپادا كوروناۆيرۋس ٸندەتٸنٸڭ تارالۋى يتالييا مەن يسپانييادا باستالدى.
31 ناۋرىز كٷنٸ يتالييادا ازا تۇتۋ بەلگٸسٸ رەتٸندە مەملەكەتتٸك عيماراتتاردا, مەكتەپتەر مەن مۋنيتسيپاليتەتتەردە تۋ تٶمەن تٷسٸرٸلدٸ. ەل قازا تاپقانداردى بٸر مينۋت ٷنسٸزدٸكپەن ەسكە الدى. ۆاتيكان دا يتالييا جۇرتشىلىمەن بٸرگە ەكەندٸگٸن بٸلدٸرٸپ, سول كٷنٸ مەملەكەتتٸك تۋدى تٶمەن تٷسٸرگەن ەدٸ.
كوروناۆيرۋستىڭ تارالۋى ەلدٸڭ سولتٷستٸگٸندە, لومباردييا ٶڭٸرٸندە 21 اقپان كٷنٸ تٸركەلدٸ. سودان كەيٸن ۆيرۋس بٷكٸل يتاليياعا تاراپ كەتتٸ. ٸندەت ەڭ العاش تٸركەلگەن سەتتەن بەرٸ بۇل ەلدە 243 ادامدا كوروناۆيرۋس تابىلىپ, 34,9 مىڭ ادام قازا تاپتى. مامىر مەن ماۋسىم ايلارىندا ٶتكەن يتالييا مەن گەرمانيياداعى فۋتبول چەمپيوناتىنىڭ بٸرنەشە ويىنى ٸندەتتەن قازا تاپقانداردى بٸر مينۋت ٷنسٸزدٸكپەن ەسكە الۋدان باستالدى.
27 مامىردا يسپانييا دا Covid-19 قۇرباندارىن بٸر مينۋت ٷنسٸزدٸكپەن ەسكە الدى. بٷكٸل ەل تۇرعىندارى 1 مينۋتقا جۇمىستارىن توقتاتتى. بٸرمينۋتتىق ٷنسٸزدٸكتەن كەيٸن ەلدە 10 كٷندٸك ازا تۇتۋ جارييا ەتٸلدٸ. 10 كٷن بويى ٷكٸمەتتٸك عيماراتتار مەن ەسكەري كەمەلەردەگٸ تۋ تٶمەن تٷسٸرٸلدٸ.
ناۋرىز ايىنان وسى ۋاقىتقا دەيٸن يسپانييادا Covid-19-دان 28 مىڭنان استام ادام كٶز جۇمدى. ال ٸندەت جۇقتىرعاندار سانى 300 مىڭ ادامنان اسىپ تٷسەدٸ. ٶتكەن اپتادان باستاپ بۇل ەلدە كوروناۆيرۋس ٸندەتٸن جۇقتىرۋ جاعدايلارىنىڭ قايتا بەلەڭ الىپ بارا جاتقاندىعى بايقالادى. 16 شٸلدە كٷنٸ يسپانييادا كوروناۆيرۋس پاندەميياسى سالدارىنان قازا تاپقانداردى ەسكە الۋعا ارنالعان مەملەكەتتٸك شارا ٶتەدٸ.
28 سەۋٸردە ۇلىبريتانييا Covid-19-دان قازا تاپقان مەديتسينا جەنە ەلەۋمەتتٸك قىزمەتكەرلەردٸ بٸر مينۋتتىق ٷنسٸزدٸكپەن ەسكە الدى. قازٸرگٸ ۋاقىتتا ەلدە ۆيرۋس جۇقتىرۋدىڭ 290 مىڭعا جۋىق جاعدايى ناقتىلانعان. قازا تاپقانداردىڭ سانى 44,8 مىڭ ادامنان اسىپ كەتتٸ. جالپى, ۇلىبريتانييا ەۋروپاداعى ٸندەتتەن ەڭ كٶپ ادامىنان ايىرىلعان ەل سانالادى.
شۆەتسييا پارلامەنتٸ 17 ماۋىمدا كوروناۆيرۋس ٸندەتٸنەن قازا تاپقان 5,5 مىڭ ازاماتىن ەسكە الۋعا ارنالعان 15 مينۋتتىق شارا ٶتكٸزدٸ. شارا بٸرمينۋتتىق ٷنسٸزدٸكپەن اياقتالدى.
بۇعان دەيٸن 31 ناۋرىزدا فرانتسييانىڭ ۇلتتىق اسسامبلەياسى كوروناۆيرۋس ٸندەتٸنەن قازا تاپقانداردى ەسكە العان ەدٸ.
قازاقستاندا 13 شٸلدە - جالپىۇلتتىق ازا تۇتۋ كٷنٸندە 1 مينۋتتىق ٷنسٸزدٸك ٶتتٸ. اقوردا رەزيدەنتسيياسىنىڭ الدىندا مەملەكەت باسشىسى قاسىم-جومارت توقاەۆ كوروناۆيرۋس ٸندەتٸنەن قازا تاپقان ازاماتتاردى قۇرمەتپەن بٸر مينۋت ەسكە الدى. ەسكە الۋ رەسٸمٸنە قر مەملەكەتتٸك حاتشىسى قىرىمبەك كٶشەرباەۆ, قر پرەزيدەنتٸ ەكٸمشٸلٸگٸنٸڭ باسشىسى ەرلان قوشانوۆ, قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆ, پرەزيدەنت كەڭسەسٸنٸڭ باستىعى نۇرلان ونجانوۆ, دەنساۋلىق ساقتاۋ مينيسترٸ الەكسەي تسوي قاتىستى.
ٸندەت قۇرباندارىن ٷنسٸز ەسكە الۋ رەسٸمٸ رەسپۋبليكانىڭ بارلىق ايماعىندا ٶتتٸ. قۇرباندارعا تاعزىم شاراسىن رەسپۋبليكالىق ارنالار تٸكەلەي ەفير ارقىلى كٶرسەتتٸ. بٷكٸل ەلٸمٸزدە مەملەكەتتٸك تۋ تٶمەن تٷسٸرٸلٸپ, تەلەارنالار مەن راديولار ەفيردەن ويىن-ساۋىق باعدارلامالارىن الىپ تاستادى.
13 شٸلدەدەگٸ دەرەكتەرگە سەيكەس, قازاقستاندا كوروناۆيرۋستان 375 ادام قازا تاپتى.
