سەربييا استاناسى بەلگراد قالاسىندا ٶتٸپ جاتقان بوكستان ەلەم چەمپيوناتىندا بٷگٸن ەل قۇراماسىنان نۇرلان ساپارباي قارسىلاسىنا ەسە جٸبەردٸ, دەپ حابارلايدى قازاقپارات.
نۇرلان ساپارباي 92 كەلٸدەن جوعارى سالماقتا يسپانييالىق ايۋب گادفا دريسسيمەن قولعاپ تٷيٸستٸردٸ. جەكپە-جەك بارىسىندا بوكسشىلار بٸر-بٸرٸمەن لايىقتى قارسىلىق كٶرسەتتٸ. دەسە دە تٶرەشٸلەردٸڭ باسىم بٶلٸگٸ يسپاندىق سپورتشىنىڭ جەڭٸسٸنە قولداۋ بٸلدٸردٸ. وسىلايشا نۇرلان ساپارباي العاشقى جەكپە-جەگٸندە جارىس جولىنان شىعىپ قالدى.
سونداي-اق, بٷگٸن ەلوردا ۋاقىتىمەن 22:00-دە كەشكٸ سەسسييادا 1/16 فينالدا سەرٸك تەمٸرجانوۆ (57 كەلٸ) 1/16 فينالدا جاپونييالىق رەيتو تسۋتسۋميمەن شەبەرلٸك بايقاسسا, ابىلايحان جٷسٸپوۆ (67 كەلٸ) ۆەنەسۋەلالىق كريستيان پالاسيومەن كەزدەسەدٸ. جانكٷيەرلەر جەكپە-جەكتەردٸ «Qazsport» تەلەارناسى ارقىلى تٸكەلەي ەفيردە تاماشالاي الادى.
ەسكە سالساق, ۇلتتىق قۇراما ساپىندا تەمٸرتاس جٷسٸپوۆ (48 كەلٸ), ماحمۋد سابىرحان (54 كەلٸ), ساماتالي تٶلتاەۆ (60 كەلٸ), ساناتالي تٶلتاەۆ (63,5 كەلٸ), نۇربەك ورالباي (80 كەلٸ), ايبەك ورالباي (92 كەلٸ) شارشى الاڭعا شىققان جوق. ال سەكەن بيبوسىنوۆ (51 كەلٸ), ابىلايحان جٷسٸپوۆ (67 كەلٸ), نۇرقانات رايىس (75 كەلٸ العاشقى جەكپە-جەگٸندە جەڭٸسكە جەتتٸ. ەل قۇراماسىنان بەك نۇرماعامبەت (86 كەلٸ) 1/16 فينالدا برازيلييالىق كەنو ماچادوعا ەسە جٸبەردٸ.
