دەنساۋلىق ساقتاۋ مينيسترٸ الەكسەي تسوي جاڭا وقۋ جىلىندا بارلىق ورتا مەكتەپتە بالالاردى قاشىقتان وقىتۋدى ۇسىندى, دەپ حابارلايدى قازاقپارات.
ونىڭ ايتۋىنشا, قازٸرگٸ ۋاقىتتا ەلدە كوروناۆيرۋس جۇقتىرعانداردىڭ سانى 60 مىڭنان اسقان.
«ولاردىڭ 1700-ٸ – بالالار. مەكتەپتە دەستٷرلٸ وقىتۋدى باستاۋ – بالالار اراسىندا اۋرۋ جۇقتىرۋ دەڭگەيٸن ارتتىرىپ, ۆيرۋستىڭ مەكتەپتەن تىس تا تارالۋىنا جول اشۋى مٷمكٸن. جالپى جىل سايىن جۇقتىرىلعان رەسپيراتورلىق ۆيرۋستى ينفەكتسييامەن (جرۆي) اۋىراتىنداردىڭ 70 پايىزى – 14 جاسقا دەيٸنگٸ بالالار. جرۆي-دٸڭ ماۋسىمدىق دەڭگەيدە ارتۋى مەن كوروناۆيرۋس ينفەكتسيياسى بويىنشا جاعدايدىڭ كٷردەلٸلٸگٸنە بايلانىستى وقۋ جىلىنىڭ العاشقى توقسانىندا از كومپلەكتٸلٸ مەكتەپتەردٸ ەسەپتەمەگەندە, بارلىق سىنىپتى قاشىقتان وقىتۋ جولدارىن قاراستىرعان دۇرىس دەپ ەسەپتەيمٸن», - دەدٸ مينيستر ٷكٸمەت وتىرىسىندا.
