Densaýlyq saqtaý ministri Aleksei Tsoi jańa oqý jylynda barlyq orta mektepte balalardy qashyqtan oqytýdy usyndy, dep habarlaidy QazAqparat.
Onyń aitýynsha, qazirgi ýaqytta elde koronavirýs juqtyrǵandardyń sany 60 myńnan asqan.
«Olardyń 1700-i – balalar. Mektepte dástúrli oqytýdy bastaý – balalar arasynda aýrý juqtyrý deńgeiin arttyryp, virýstyń mektepten tys ta taralýyna jol ashýy múmkin. Jalpy jyl saiyn juqtyrylǵan respiratorlyq virýsty infektsiiamen (JRVI) aýyratyndardyń 70 paiyzy – 14 jasqa deiingi balalar. JRVI-diń maýsymdyq deńgeide artýy men koronavirýs infektsiiasy boiynsha jaǵdaidyń kúrdeliligine bailanysty oqý jylynyń alǵashqy toqsanynda az komplektili mektepterdi eseptemegende, barlyq synypty qashyqtan oqytý joldaryn qarastyrǵan durys dep esepteimin», - dedi ministr Úkimet otyrysynda.
