قازاقستاننىڭ بٸرٸنشٸ راكەتكاسى الەكساندر بۋبليك ەلەمدەگٸ ٷزدٸك ەلۋ تەننيسشٸنٸڭ قاتارىنا قايتا كٸردٸ, دەپ حابارلايدى "ۇلت اقپارات".
كەسٸبي تەننيسشٸلەر قاۋىمداستىعى (ATP) بٷگٸن جارييا ەتكەن رەيتينگتە ا.بۋبليك 52-دەن 49-ورىنعا كٶتەرٸلدٸ.
وسىلايشا قازاقستاندىق تەننيسشٸ بٸر اپتا بۇرىن جوعالتىپ العان ورنىنا قايتا ورالدى. ول بيىلعى اقپانداعى ٷزدٸك كٶرسەتكٸشٸنە (47) جاقىن تۇر.
تاعى بٸر قازاقستاندىق ميحايل كۋكۋشكين 88-دەن 89-عا تٶمەندەسە, دميتريي پوپكو 178-دەن 173-كە جوعارىلادى.
كٶش باسىنداعى ٷشتٸكتە (سەربييالىق نوۆاك دجوكوۆيچ, يسپانييالىق رافاەل نادال, اۋسترييالىق دومينيك تيم) ەشقانداي ٶزگەرٸس بولماسا, كەشە سانكت-پەتەربۋرگ تۋرنيرٸنٸڭ
چەمپيونى اتانعان رەسەيلٸك اندرەي رۋبلەۆ ٶز سپورتتىق جولىندا العاش رەت 10-نان 8-ورىنعا كٶتەرٸلدٸ.
ەيەلدەر اراسىندا قازاقستاننىڭ بٸرٸنشٸ راكەتكاسى ەلەنا رىباكينا چەحييادا بٷگٸن باستالاتىن وستراۆا WTA جارىسىندا باق سىنايدى. ول ەرتەڭ العاشقى اينالىمدا
ٸرٸكتەۋ سايىستارى جەڭٸمپازدارىنىڭ بٸرٸ, رەسەيلٸك داريا كاساتكينامەن شەبەرلٸك بايقاسادى.
