كەسٸپقوي تەننيسشٸلەر قاۋىمداستىعى (ATP) جاڭارتىلعان رەيتينگٸنٸ جارييا ەتتٸ, دەپ حابارلايدى قازاقپارات.
قازاقستاننىڭ بٸرٸنشٸ راكەتكاسى الەكساندر بۋبليك ەلەمدەگٸ ٷزدٸك وتىز تەننيسشٸنٸڭ قاتارىنا كٸردٸ.
ول 31-دەن 30-ورىنعا كٶتەرٸلٸپ, ٶزٸنٸڭ رەكوردتىق كٶرسەتكٸشٸنە قول جەتكٸزدٸ.
ميحايل كۋكۋشكين 168-دەن 166-عا, دميتريي پوپكو 180-نەن 178-گە جوعارىلادى.
رەيتينگ كٶشٸن بۇرىنعىشا سەربييالىق نوۆاك دجوكوۆيچ باستاسا, رەسەيلٸك دانييل مەدۆەدەۆ ەكٸنشٸ, گەرمانييالىق الەكساندر زۆەرەۆ ٷشٸنشٸ ورىندا كەلەدٸ.
جۇپتىق سىندا اندرەي گولۋبەۆ 31-دەن 34-كە, بۋبليك 67-دەن 72-گە سىرعىسا, الەكساندر نەدوۆەسوۆ 68-دەن 63-كە شىقتى.
ەيەلدەر اراسىندا اۋسترالييالىق ەشلي بارتي, بەلارۋس ٶكٸلٸ ارينا سوبولەنكو, چەحييالىق باربورا كرەيچيكوۆا العاشقى ٷشتٸكتە تۇر.
قازاقستاننىڭ بٸرٸنشٸ راكەتكاسى ەلەنا رىباكينا 16-دان 20-ساتىعا جايعاسسا, يۋلييا پۋتينتسەۆا 42-دەن 39-عا, زارينا ديياس 114-تەن 113-كە جوعارىلادى.
جۇپتىق سىندا اننا دانيلينا ٶزٸنٸڭ رەكوردتىق كٶرسەتكٸشتەرٸن جالعاستىرۋدا. بۇل جولى ول 23-تەن 22-ورىنعا كٶتەرٸلدٸ. رىباكينا 51-دەن 48-ساتىعا جوعارىلادى.
قازاقستاندىق تەننيسشٸلەر وسى اپتاداعى جارىستاردا تابىستى ٶنەر كٶرسەتسە, رەيتينگتەگٸ كٶرسەتكٸشتەرٸن جاقسارتا الادى.
اتاپ ايتقاندا, بۋبليك جٷلدە قورى 2,8 ملن اقش دوللارىنا جۋىقتايتىن دۋباي ATP 500 تۋرنيرٸنٸڭ العاشقى اينالىمىندا ەلەمنٸڭ 11-راكەتكاسى, پولشا ٶكٸلٸ حۋبەرت گۋركاچپەن سىنعا تٷسەدٸ. ول سونداي-اق جۇپتىق سىندا تٷركييالىق التۋگ چەليكبيلەكپەن بٸرگە ٸرٸكتەۋ سايىسىن سەتتٸ ٶتكٸزٸپ, نەگٸزگٸ تۋرنيرگە جولداما الدى. بۇل جۇپتىڭ العاشقى قارسىلاستارى – گۋركاچ پەن يتالييالىق ياننيك سيننەر.
رىباكينا بٷگٸن جٷلدە قورى 2,6 ملن اقش دوللارىنان اساتىن دوحا WTA 1000 جارىسىندا باستاپقى كەزدەسۋٸن دٷنيەجٷزٸلٸك رەيتينگتە 71-ورىندا تۇرعان رۋمىنييالىق جاكلين ادينا كريستيانمەن ٶتكٸزەدٸ.
