قر دەنساۋلىق ساقتاۋ مينيسترٸ ەلجان بٸرتانوۆ مەملەكەتتٸك-جەكەشەلٸك ەرٸپتەستٸك باعىتىندا سالىناتىن نىساندار تۋرالى ايتتى, دەپ حابارلايدى "ۇلت اقپارات".
«جالپى, 2026 جىلعا دەيٸن دەنساۋلىق ساقتاۋ سالاسىندا 1,5 ترلن تەڭگە ينۆەستيتسييا تارتۋ جوسپارلانىپ وتىر. ونىڭ 60 پايىزى مەملەكەتتٸك-جەكەشەلٸك ەرٸپتەستٸك اياسىندا. 19 مىڭ جۇمىس ورنىن قامتاماسىز ەتە وتىرىپ, 838,5 ملرد تەڭگە سوماسىندا 16 ٸرٸ اۋرۋحانا سالۋدى جوسپارلاپ وتىرمىز», - دەدٸ مينيستر ٷكٸمەت وتىرىسىندا.
ونىڭ سٶزٸنە قاراعاندا, بٷگٸندە ينۆەستيتسييالاردىڭ جالپى كٶلەمٸ 439 ملرد تەڭگەگە تەڭ 7 مەملەكەتتٸك-جەكەشەلٸك ەرٸپتەستٸك جوباسى ٸسكە اسىرىلۋدا.
«بۇل تۇرعىدا پەتروپاۆل, تٷركٸستان, نۇر-سۇلتان قالالارىنداعى ٷلكەن اۋرۋحانالاردى قامتىپ وتىر. سونىمەن قاتار, الماتى مەن قاراعاندىدا ۋنيۆەرسيتەتتٸك كلينيكالار قۇرىلىسى بويىنشا تيٸستٸ شارالار اتقارىلۋدا. ەلەۋەتتٸ ينۆەستورلارمەن جەكە قارجىلىق باستامالاردىڭ دايىندىق جۇمىستارى ٸسكە اسىرىلۋدا», - دەدٸ بٸرتانوۆ.
ونىڭ اتاپ ٶتۋٸنشە, بۇدان بٶلەك مينيسترلٸك قۇنى 400 ملرد تەڭگەگە جۋىق ينۆەستيتسييالاردىڭ قوسىمشا 9 جوباسىن پىسىقتاۋعا كٸرٸستٸ.
