سينوپتيكتەر 6-8 تامىزعا ارنالعان اۋا رايى بولجامىن ايتتى, - دەپ حابارلايدى "ۇلت اقپارات" "قازگيدرومەت" رمك باسپاسٶز قىزمەتٸنە سٸلتەمە جاساپ.
بولجام بويىنشا, الداعى كٷندەرٸ قازاقستاننىڭ باتىسى مەن سولتٷستٸك-باتىسىندا جاۋىن-شاشىنسىز اۋا رايى كٷتٸلەدٸ.
"ەلدٸڭ قالعان بٶلٸگٸندە اۋا رايى وڭتٷستٸك تسيكلون جەنە ونىمەن بايلانىستى اتموسفەرالىق فرونتال بٶلٸكتەر ىقپالىنا بايلانىستى بولادى. مۇندا كٶبٸنەسە جاڭبىرلى اۋا رايى بولجانادى - نايزاعاي, ەكپٸندٸ جەل سوعىپ, قىسقا مەرزٸمدٸ جاڭبىر جاۋادى. رەسپۋبليكانىڭ ورتالىعىندا, سولتٷستٸگٸندە, وڭتٷستٸگٸندە جەنە وڭتٷستٸك-شىعىسىندا قاتتى جاڭبىر, بۇرشاق, جەل بولۋى مٷمكٸن", - دەلٸنگەن حابارلامادا.
اۋا تەمپەراتۋراسىندا ايتارلىقتاي ٶزگەرٸستەر بولمايدى:
- كٷندٸز باتىستا +30 +37 گرادۋس;
- وڭتٷستٸك-باتىستا +27 +37 گرادۋس;
- سولتٷستٸك-باتىستا +27 +35 گرادۋس;
- سولتٷستٸكتە, شىعىستا +22 +30 گرادۋس;
- ورتالىقتا +20 +28 گرادۋس;
- وڭتٷستٸكتە, وڭتٷستٸك-باتىستا, ەلدٸڭ شىعىسىندا +30 +35 گرادۋس;
- تاۋلى ايماقتاردا +25 گرادۋس شاماسىندا.
