قازاقستان الداعى ۋاقىتتا سىرتتان قارىز الۋدى دوعارادى. بۇل تۋرالى قر قارجى مينيسترٸ ەرۇلان جاماۋباەۆ ايتتى, دەپ حابارلايدى "ۇلت اقپارات".
«قازاقستاننىڭ دامۋ تاريحىندا بٸر ەمەس بٸرنەشە داعدارىس بولدى. اتاپ ايتار بولساق, 1999 جىلعى داعدارىس, ودان كەيٸن 2007 جىلى امەريكاداعى يپوتەكالىق قارىزدان باستاپ, دٷنيەجٷزٸنە تاراپ قازاقستانعا جەتكەن داعدارىس, 2014-2015 جىلدارداعى مۇنايدىڭ كٷرت قۇلدىراۋىنان تۋىنداعان داعدارىس بار. ال 2020 جىلى جەتكەن جاي داعدارىس ەمەس. ول كوروناۆيرۋسپەن قاباتتاسقان ٶتە كٷردەلٸ داعدارىس بولدى», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, ٶتكەن جىلعى داعدارىستىڭ حالىققا دا, كەسٸپكەرلەرگە دە اۋىر تييۋٸنە بايلانىستى ەلٸمٸز سىرتتان قارىز الدى.
«بٸراق, الىنعان قارىزدىڭ كٶلەمٸ قاۋٸپسٸزدٸك دەڭگەيٸندە ساقتالىپ تۇر دەپ ايتۋعا بولادى. جالپى, شەتەلدەن الىنعان قارىزداردىڭ باسىم بٶلٸگٸ - كەسٸپكەرلەردٸڭ, ياعني شەتەلدٸك كومپانييالاردىڭ وسى جەردەگٸ ەنشٸلٸس كومپانييالارى اراسىندا قالىپتاسقان قارىز. الداعى ۋاقىتتا مٷمكٸندٸگٸنشە سىرتتان قارىز الۋدى دوعارىپ, ەكونوميكانىڭ مۇنايعا بايلانىستى سالالارىن ەرتاراپتاندىرىپ, دامىتىپ, سولاردان تٷسەتٸن سالىق ەسەبٸنەن جاعدايدى تٷزۋگە تولىق مٷمكٸندٸگٸمٸز بار دەۋگە بولادى», - دەدٸ ەرلان جاماۋباەۆ.
