جالپى ٸشكٸ ٶنٸمنٸڭ ورتاشا جىلدىق ٶسۋ قارقىنى 5 جىلدا 4,4 پايىزدى قۇرايدى. بۇل تۋرالى پارلامەنت مەجٸلٸسٸنٸڭ جالپى وتىرىسىندا ايتىلدى, دەپ حابارلايدى قازاقپارات.
جالپى وتىرىستا ۇلتتىق ەكونوميكا مينيسترٸ رۋسلان دەلەنوۆ ەلدٸڭ 2020-2024 جىلدارعا ارنالعان ەلەۋمەتتٸك-ەكونوميكالىق دامۋ بولجامىن باياندادى.
«ەلەمدٸك قارجى ۇيىمدارىنىڭ مەلٸمەتتەرٸنە سەيكەس, 2019 جىلى مۇناي باعاسىنىڭ كونسەنسۋس-بولجامى 65 دوللاردى قۇرايدى. ال 2020 جىلى بٸر باررەل ٷشٸن 63 دوللارىنا دەيٸن تٶمەندەيدٸ. بولجام مەن بيۋدجەتتٸك پارامەترلەردٸ قالىپتاستىرۋ ٷشٸن بازالىق ستسەناريي نەگٸزگە الىندى. ول مۇناي باعاسىن 55 دوللار كٶلەمٸندە كٶزدەيدٸ. جالپى ٸشكٸ ٶنٸمنٸڭ ناقتى ٶسۋٸ 2020 جىلى 4,1 پايىز دەڭگەيٸندە بولجانىپ وتىر. 2024 جىلى ول 4,7 پايىزعا جەتەدٸ. ورتاشا جىلدىق ٶسۋ قارقىنى 5 جىلدا 4,4 پايىزدى قۇرايدى», - دەدٸ مينيستر.
جالپى ٸشكٸ ٶنٸمنٸڭ ٶسۋٸ جالپى جيناقتىڭ, ٸشكٸ تۇتىنۋدىڭ جەنە ەكسپورتتىڭ ٶسۋٸ ەسەبٸنەن قامتاماسىز ەتٸلەدٸ.
ر. دەلەنوۆتٸڭ ايتۋىنشا, ينۆەستيتسييالار ەكونوميكالىق ٶسۋدٸ قولداۋدىڭ ماڭىزدى فاكتورى بولادى. سالالىق بٶلٸنٸستە نەگٸزگٸ ٶسٸم شيكٸزاتتىق ەمەس سەكتورىنا تيەسٸلٸ بولادى. بۇل ٶڭدەۋ ٶنەركەسٸبٸ, قىزمەت كٶرسەتۋ سالاسى جەنە قۇرىلىس. بۇل سالالاردىڭ ورتاشا ٶسٸمٸ 4,7 پايىز دەڭگەيٸندە بولادى. جالپى ٸشكٸ ٶنٸمنٸڭ ٶسۋٸندەگٸ سالىمى 3,5 پروتسەنتتٸك تارماقتى قۇرايدى.
«مۇناي ٶندٸرۋ كٶلەمٸ 2020 جىلى 90 ميلليون توننادان, 2024 جىلى 100 ميلليون تونناعا دەيٸن ٶسەدٸ. ٶندٸرۋدٸڭ ٶسۋٸ تەڭٸز, قاراشىعاناق, قاشاعان كەن ورىندارىن كەڭەيتۋ, سونداي-اق تەڭٸزدەگٸ ولاردى پايدالانۋعا بەرۋ ەسەبٸنەن بولادى», - دەدٸ ۆەدومستۆو باسشىسى.
