الداعى 5 جىلدا اتىراۋ وبلىسىندا سۋ تۇتىنۋ كٶلەمٸ 45 پايىز ارتادى. بۇل جايىندا وبلىس ەكٸمٸ سەرٸك شەپكەنوۆ مەجٸلٸستە ٶتٸپ جاتقان پارلامەنتتٸك تىڭداۋدا ايتتى, دەپ حابارلايدى قازاقپارات.
«اتىراۋ قالاسى مەن ماقات اۋدانىن سۋ مەن قامتاماسىز ەتەتٸن تازارتقىش جابدىقتار ٶتكەن عاسىردىڭ 30-60 جىلدارى قولدانىسقا بەرٸلگەن. قازٸر ولار اپاتتىق جاعدايدا. الداعى 5 جىلدا ٶڭٸردەگٸ سۋ تاپشىلىعى 45 پايىزعا ٶسەدٸ دەپ بولجانىپ وتىر», - دەدٸ ەكٸم.
ايتۋىنشا, وسىعان بايلانىستى جاڭا ەكٸ سٷزگٸ ستانسا ٸسكە قوسۋ جوسپارلانعان.
«استراحان-ماڭعىشلاق سۋ قۇبىرىنىڭ ەكٸ كەزەڭگە جوسپارلانعان جاڭعىرتۋ جۇمىستارىن كەيٸنگە شەگەرمەي, تەزدەتٸپ شەشۋ قاجەت. قولداۋلارىڭىزدى سۇرايمىز», - دەدٸ ايماق باسشىسى.
