فوتو:gov.kz
بەيسەنبٸ, 19 ناۋرىزدا ٶسكەمەننٸڭ اۋدانارالىق قىلمىستىق سوتىندا شىعىس قازاقستان وبلىسى ەكٸمٸنٸڭ ورىنباسارى جاقسىلىق ومارعا قاتىستى اتىشۋلى ٸس بويىنشا سوت وتىرىسى ٶتتٸ, - دەپ حابارلايدى Ult.kz YK-news.kz-كە سٸلتەمە جاساپ.
كٷدٸكتٸگە ەكٸ باپ بويىنشا ايىپ تاعىلىپ وتىر - "مەملەكەتتٸك فۋنكتسييالاردى ورىنداۋعا ۋەكٸلەتتٸك بەرٸلگەن تۇلعا جاساعان ٸرٸ كٶلەمدەگٸ الاياقتىق" جەنە "لاۋازىمدى تۇلعانىڭ ٸرٸ كٶلەمدە پارا الۋى".
پروكۋرور ەكٸ ەپيزود بويىنشا ايىپتاۋ اكتٸسٸن وقىدى. بٸرٸنشٸ ەپيزود جاقسىلىق وماردىڭ ٶسكەمەن ەكٸمٸ بولىپ تۇرعان كەزەڭٸمەن بايلانىستى.
ايىپتاۋ نۇسقاسى بويىنشا, تەرگەۋ بارىسىندا جەبٸرلەنۋشٸ دەپ تانىلعان فيگۋرانتتان قالا كەسٸپورىندارىنىڭ بٸرٸنەن اۆتوكٶلٸك تٷرٸندە ماتەريالدىق كٶمەك الۋ ٷشٸن ٶتٸنٸش رەسٸمدەۋ سۇرالعان. ول بۇل ٶتٸنٸشتٸ ورىنداپ, Toyota Camry 75 (2021 جىلعى) كٶلٸگٸن العان. ونىڭ ايتۋىنشا, ول كٶلٸكتٸ قالا ەكٸمدٸگٸنە ەكەلٸپ, كٸلتٸن تاپسىرعان, سودان كەيٸن كٶلٸكتٸ كٶرمەگەن.
كەيٸن كٶلٸك ٷشٸنشٸ تۇلعاعا قايتا رەسٸمدەلٸپ, trade-in باعدارلاماسى ارقىلى جاڭا ٷلگٸگە اۋىستىرىلعان جەنە ونى ايىپتالۋشى پايدالانعان. وسىلايشا, جەبٸرلەنۋشٸگە 13 ميلليون تەڭگە كٶلەمٸندە شىعىن كەلتٸرٸلگەن, ال جاقسىلىق ومارعا 190-باپتىڭ 3-بٶلٸگٸ 1, 2-تارماقتارى (ٸرٸ كٶلەمدەگٸ الاياقتىق) بويىنشا ايىپ تاعىلدى. سوت زالىندا جەبٸرلەنۋشٸ شىعىن ٶتەلگەنٸن جەنە ەشقانداي شاعىمى جوق ەكەنٸن مەلٸمدەدٸ.
ەكٸنشٸ ەپيزود اقپاننىڭ باسىندا بولعان. ٸس ماتەريالدارىنا سەيكەس, جاقسىلىق ومار قالا ەكٸمدٸگٸ قىزمەتكەرلەرٸنٸڭ بٸرٸمەن كەزدەسكەندە وعان 20 ميلليون تەڭگە ەكەل دەگەن. ايىپتالۋشىنىڭ سٶزٸنشە, بۇل تالاپ ەمەس, كٶبٸنە ٶتٸنٸش سيپاتىندا بولعان. الايدا ايىپتاۋ تاراپى بۇل ەرەكەتتٸ جالپى قامقورلىعى ٷشٸن پارا الۋ دەپ سارالادى.
ەكٸمدٸك قىزمەتكەرٸ مۇنداي ەرەكەتتٸڭ زاڭسىزدىعىن تٷسٸنٸپ, ۇقك-گە جٷگٸنگەن. ارنايى قىزمەتتٸڭ باقىلاۋىمەن ول جاقسىلىق ومارمەن قايتا كەزدەسٸپ, سومانى بٶلٸپ تٶلەۋدٸ ۇسىنعان, سوڭعىسى بۇعان كەلٸسكەن. سول كٷنٸ ٷشٸنشٸ تۇلعا ارقىلى كٷدٸكتٸگە التى ميلليون تەڭگە قولما-قول اقشا بەرٸلگەن. ۇستاۋ كەزٸندە كٷدٸكتٸنٸڭ تۇرعىلىقتى جەرٸ مەن جۇمىس ورنىنان 5,6 ميلليون تەڭگە تابىلدى.
"سوتتالۋشى كٸنەسٸن تولىق مويىندادى. ونىڭ قورعاۋشىلارى باس بوستاندىعىنان ايىرۋمەن بايلانىستى ەمەس جازا قولدانۋدى سۇرادى. ولار تۋىستارىنىڭ ايىپپۇل تٶلەۋگە قاجەتتٸ سومانى جيناپ قويعانىن حابارلادى. تٶلەم قابٸلەتتٸلٸگٸنٸڭ دەلەلٸ رەتٸندە شوتتا 112 ميلليون تەڭگەنٸڭ بار ەكەندٸگٸ تۋرالى ٷزٸندٸ كٶشٸرمە ۇسىنىلدى", - دەپ جازادى باسىلىم.
قىلمىستىق ٸس بويىنشا كەلەسٸ سوت وتىرىسى 26 ناۋرىزعا بەلگٸلەندٸ.
