Foto:gov.kz
Beisenbi, 19 naýryzda Óskemenniń aýdanaralyq qylmystyq sotynda Shyǵys Qazaqstan oblysy ákiminiń orynbasary Jaqsylyq Omarǵa qatysty atyshýly is boiynsha sot otyrysy ótti, - dep habarlaidy Ult.kz YK-news.kz-ke silteme jasap.
Kúdiktige eki bap boiynsha aiyp taǵylyp otyr - "Memlekettik fýnktsiialardy oryndaýǵa ýákilettik berilgen tulǵa jasaǵan iri kólemdegi alaiaqtyq" jáne "Laýazymdy tulǵanyń iri kólemde para alýy".
Prokýror eki epizod boiynsha aiyptaý aktisin oqydy. Birinshi epizod Jaqsylyq Omardyń Óskemen ákimi bolyp turǵan kezeńimen bailanysty.
Aiyptaý nusqasy boiynsha, tergeý barysynda jábirlenýshi dep tanylǵan figýranttan qala kásiporyndarynyń birinen avtokólik túrinde materialdyq kómek alý úshin ótinish resimdeý suralǵan. Ol bul ótinishti oryndap, Toyota Camry 75 (2021 jylǵy) kóligin alǵan. Onyń aitýynsha, ol kólikti qala ákimdigine ákelip, kiltin tapsyrǵan, sodan keiin kólikti kórmegen.
Keiin kólik úshinshi tulǵaǵa qaita rásimdelip, trade-in baǵdarlamasy arqyly jańa úlgige aýystyrylǵan jáne ony aiyptalýshy paidalanǵan. Osylaisha, jábirlenýshige 13 million teńge kóleminde shyǵyn keltirilgen, al Jaqsylyq Omarǵa 190-baptyń 3-bóligi 1, 2-tarmaqtary (iri kólemdegi alaiaqtyq) boiynsha aiyp taǵyldy. Sot zalynda jábirlenýshi shyǵyn ótelgenin jáne eshqandai shaǵymy joq ekenin málimdedi.
Ekinshi epizod aqpannyń basynda bolǵan. Is materialdaryna sáikes, Jaqsylyq Omar qala ákimdigi qyzmetkerleriniń birimen kezdeskende oǵan 20 million teńge ákel degen. Aiyptalýshynyń sózinshe, bul talap emes, kóbine ótinish sipatynda bolǵan. Alaida aiyptaý tarapy bul áreketti jalpy qamqorlyǵy úshin para alý dep saralady.
Ákimdik qyzmetkeri mundai árekettiń zańsyzdyǵyn túsinip, UQK-ge júgingen. Arnaiy qyzmettiń baqylaýymen ol Jaqsylyq Omarmen qaita kezdesip, somany bólip tóleýdi usynǵan, sońǵysy buǵan kelisken. Sol kúni úshinshi tulǵa arqyly kúdiktige alty million teńge qolma-qol aqsha berilgen. Ustaý kezinde kúdiktiniń turǵylyqty jeri men jumys ornynan 5,6 million teńge tabyldy.
"Sottalýshy kinásin tolyq moiyndady. Onyń qorǵaýshylary bas bostandyǵynan aiyrýmen bailanysty emes jaza qoldanýdy surady. Olar týystarynyń aiyppul tóleýge qajetti somany jinap qoiǵanyn habarlady. Tólem qabilettiliginiń dáleli retinde shotta 112 million teńgeniń bar ekendigi týraly úzindi kóshirme usynyldy", - dep jazady basylym.
Qylmystyq is boiynsha kelesi sot otyrysy 26 naýryzǵa belgilendi.
