فوتو: الماتى وبلىسىنىڭ ەكٸمدٸگٸ
«الاتاۋ قالاسىنىڭ ارنايى مەرتەبەسٸ تۋرالى» كونستيتۋتسييالىق زاڭ ناۋرىز ايىنىڭ سوڭىنا دەيٸن قابىلدانۋى مٷمكٸن. بۇل تۋرالى ٷكٸمەت وتىرىسىندا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين مەلٸمدەدٸ, دەپ حابارلايدى Ult.kz.
ونىڭ ايتۋىنشا, زاڭ جوباسى جاڭا كونستيتۋتسييا نورمالارىن ٸسكە اسىرۋ اياسىندا ەزٸرلەنگەن. قۇجات ەلدەگٸ ەكونوميكالىق ٶسٸمدٸ قامتاماسىز ەتەتٸن تۇراقتى, اشىق جەنە بولجامدى قۇقىقتىق ورتا قالىپتاستىرۋعا باعىتتالعان.
زاڭ جوباسى الاتاۋ قالاسىنا «قارقىندى دامۋ قالاسى» رەتٸندە ارنايى قۇقىقتىق رەجيم بەرۋدٸ كٶزدەيدٸ. بۇل اياسىندا:
– جەرگٸلٸكتٸ باسقارۋ ورگاندارىنىڭ قۇرىلىمى مەن ٶكٸلەتتٸكتەرٸ ناقتىلانادى;
– حالىقارالىق ستاندارتتار مەن وزىق تەحنولوگييالار ەنگٸزٸلەدٸ;
– تسيفرلىق اكتيۆتەر اينالىمى رەتتەلەدٸ;
– دروندار مەن تٶمەن بيٸكتٸكتەگٸ ەكونوميكا سالاسى دامىتىلادى;
– ينۆەستورلار قۇقىعى قورعالىپ, تۇراقتىلىققا كەپٸلدٸك بەرٸلەدٸ;
– سالىق جەنە بيۋدجەت سالاسىندا ەرەكشە رەجيم قولدانىلادى.
قازٸرگٸ ۋاقىتتا زاڭ جوباسى پارلامەنت قاراۋىندا. 20 ناۋرىزدا بٸرٸنشٸ وقىلىم, ال 27 ناۋرىزدا ەكٸنشٸ وقىلىم ٶتكٸزۋ جوسپارلانعان. قۇجات ناۋرىز ايىنىڭ سوڭىنا دەيٸن مەملەكەت باسشىسىنا ۇسىنىلادى.
ايتا كەتەيٸك, ٷكٸمەت جاڭا كونستيتۋتسييا نورمالارىن جٷزەگە اسىرۋ تەتٸكتەرٸن تالقىلاۋدى جالعاستىرىپ جاتىر.
