Foto: Almaty oblysynyń ákimdigi
«Alataý qalasynyń arnaiy mártebesi týraly» Konstitýtsiialyq zań naýryz aiynyń sońyna deiin qabyldanýy múmkin. Bul týraly Úkimet otyrysynda Premer-ministrdiń orynbasary – Ulttyq ekonomika ministri Serik Jumanǵarin málimdedi, dep habarlaidy Ult.kz.
Onyń aitýynsha, zań jobasy jańa Konstitýtsiia normalaryn iske asyrý aiasynda ázirlengen. Qujat eldegi ekonomikalyq ósimdi qamtamasyz etetin turaqty, ashyq jáne boljamdy quqyqtyq orta qalyptastyrýǵa baǵyttalǵan.
Zań jobasy Alataý qalasyna «qarqyndy damý qalasy» retinde arnaiy quqyqtyq rejim berýdi kózdeidi. Bul aiasynda:
– jergilikti basqarý organdarynyń qurylymy men ókilettikteri naqtylanady;
– halyqaralyq standarttar men ozyq tehnologiialar engiziledi;
– tsifrlyq aktivter ainalymy retteledi;
– drondar men tómen biiktiktegi ekonomika salasy damytylady;
– investorlar quqyǵy qorǵalyp, turaqtylyqqa kepildik beriledi;
– salyq jáne biýdjet salasynda erekshe rejim qoldanylady.
Qazirgi ýaqytta zań jobasy Parlament qaraýynda. 20 naýryzda birinshi oqylym, al 27 naýryzda ekinshi oqylym ótkizý josparlanǵan. Qujat naýryz aiynyń sońyna deiin Memleket basshysyna usynylady.
Aita keteiik, Úkimet jańa Konstitýtsiia normalaryn júzege asyrý tetikterin talqylaýdy jalǵastyryp jatyr.
