«Qazaqstan» ۇلتتىق تەلەارناسى كٷللٸ تٷركٸ دٷنيەسٸنٸڭ عۇلاما ويشىلى ەبۋ ناسىر ەل-فارابيدٸڭ 1150 جىلدىق مەرەيتويىنا وراي دەرەكتٸ فيلم تٷسٸردٸ, دەپ حابارلايدى "ۇلت اقپارات".
كٶرەرمەنگە «ٶركەنيەت شىراقشىسى» اتاۋىمەن ۇسىنىلعالى وتىرعان ەكٸ بٶلٸمدٸ تاريحي-زەرتتەۋ تۋىندىسى 18, 25 قاڭتار كٷندەرٸ, ساعات 20:35-تە ەفيرگە شىعادى.
دەرەكتٸ فيلمنٸڭ تٷسٸرٸلٸم جۇمىستارى بەس اي كٶلەمٸندە عۇلاما عالىم دٷنيەگە كەلگەن, تاريحتا «زەرنۋك», «ۆەسيدج» دەگەن اتپەن بەلگٸلٸ وقسىز جەرٸنەن باستالىپ, ەجەلگٸ وتىرار, كاير شاھارلارىندا جالعاستى. سونىمەن قاتار, تٷسٸرٸلٸم توبى عۇلاما ٶمٸردەن ٶتكەن داماسك قالاسىندا بولىپ قايتتى.
كەمەلٸنە جەتكەن شاعىندا ەبۋ ناسىر ەلٸن تاستاپ, باعدادقا نەگە اتتاندى? ۇلى ويشىلعا قاتىستى «وتىرار كٸتاپحاناسىنىڭ نەگٸزٸن قالاعان» دەگەن اڭىز شىندىققا قانشالىقتى جاناسادى? نەلٸكتەن بارشا ٶركەنيەتتٸ ەلەم وعان «ەكٸنشٸ ۇستاز» دەپ تاعزىم ەتەدٸ? دەرەكتٸ تۋىندىدا وسى ساۋالدارعا جاۋاپ بەرٸلٸپ, ەل-فارابي ادامزاتتىڭ اسىل قازىناسى – عىلىم جەتٸستٸكتەرٸ مەن ازات ويدىڭ قۇتقارۋشىسى رەتٸندە سيپاتتالادى. «ەكٸنشٸ ۇستازدىڭ» اراب ەلدەرٸندە جارىق كٶرگەن ەڭبەكتەرٸنٸڭ باسىم كٶپشٸلٸگٸ ساقتالعانىن, ال تۋعان ەلٸندەگٸلەرٸ تٷركٸستان ٶركەنيەتٸمەن بٸرگە جوعالعانى ايتىلادى.
«ەل-فارابي بٷگٸنگٸ قازاق دالاسىنان شىعىپ, بٷكٸل اراب فەلسافاسىنىڭ نەگٸزٸن قالادى. ٶز زامانىنداعى بارلىق عىلىم مەن ٸلٸم تٷرلەرٸن جٷيەگە كەلتٸردٸ. ونىڭ ٶمٸرٸ تۋرالى دەرەك از, الايدا رۋحاني مۇراسى ۇشان-تەڭٸز. بٸز ونىڭ سۋرەتٸن العاشقى ۇلتتىق تەڭگەمٸزگە سالدىق, ەسٸمٸن باستى ۋنيۆەرسيتەتٸمٸزگە بەردٸك. الايدا, ەڭبەكتەرٸن ٶز تٸلٸمٸزگە ەلٸ تولىق اۋدارا الماي وتىرمىز. ونىڭ ۇلتتىق ايامىزعا قايتىپ ورالۋى دەل وسى مٸندەتپەن ٶلشەنەدٸ. سەبەبٸ, ول ەلٸنە ورالۋدى ٶمٸر باقي اڭساپ ٶتتٸ.
بٸزدٸڭ پارىزىمىز – «پاراسات پاديشاسى» اتانعان ۇلى عالىمنىڭ اتاعىن عانا ەمەس, رۋحاني مۇراسىن, ارمان-مۇراتىن, ٸزگٸلٸك ۇستانىمدارىن تۋعان ەلٸنە قايتارىپ, ۇلتتىق رۋحانيياتىمىزدىڭ اجىراماس بٶلشەگٸنە اينالدىرۋ», - دەيدٸ فيلم اۆتورى, جۋرناليست دارحان ەبدٸك.
تۋىندىدا عالىمنىڭ زەرتتەۋ ەڭبەكتەرٸنە قاتىستى وتىرارتانۋشى بەكجان بەيسەنباي, عالىم, ٶنەرتانۋ پروفەسسورى تىنىسبەك قوڭىراتباي, «ەل-فارابي» عىلىمي-زەرتتەۋ ورتالىعىنىڭ ديرەكتورى, پروفەسسور جاقىپبەك التاەۆ پٸكٸر بٸلدٸرەدٸ.
