فوتو: parlam.kz
ۋەكٸلەتتٸ ورگاندار ماس كٷيٸندە جاسالىپ, ادام ٶلٸمٸنە ەكەلگەن جول-كٶلٸك وقيعالارى ٷشٸن جاۋاپكەرشٸلٸك تەتٸكتەرٸن تٷبەگەيلٸ قايتا قاراپ, جاسالعان ەرەكەتتەرگە ساي جازا مەرزٸمدەرٸن بەلگٸلەۋ جٶنٸندە ۇسىنىستار ەنگٸزۋٸ تيٸس, دەپ ەسەپتەيدٸ مەجٸلٸس دەپۋتاتى ايدوس سارىم. ول بۇل رەتتە حالىقارالىق تەجٸريبەگە سٷيەنۋگە بولاتىنىن ايتىپ وتىر, دەپ حابارلايدى Ult.kz.
"جۋىردا الماتى قالاسىنداعى ەل-فارابي داڭعىلى بويىندا ورىن العان قايعىلى وقيعا بٸزدٸ تاعى دا بٸر ماڭىزدى ەرٸ ٶتكٸر سۇراقتىڭ الدىنا قويدى: قىلمىسكەرلەر مەن قۇقىق بۇزۋشىلارعا لايىقتى جازا تاعايىنداۋعا ارنالعان قۇقىقتىق تەتٸكتەرٸمٸز جەتكٸلٸكتٸ مە?
اپاتقا ايىپتالۋشىنىڭ ەرەكەتٸ ٷش ادامنىڭ ٶمٸرٸن قيدى. بالالار اتا-اناسىز قالدى, ال اتا-انالار ٶز بالالارىنان ايىرىلدى. بۇل قايعى ولاردىڭ وتباسىلارىنىڭ تاعدىرىن تاس-تالقان ەتتٸ. ەندٸ ولاردىڭ ٶمٸرٸ ەشقاشان بۇرىنعىداي بولمايدى.
شىنىن ايتۋ كەرەك, مۇنداي قايعىلى جاعدايلار ەرقايسىمىزدا دەرمەنسٸزدٸك سەزٸمٸن, الاڭداۋشىلىقتى, ٶزٸمٸزدٸڭ جەنە جاقىندارىمىزدىڭ ٶمٸرٸ مەن قاۋٸپسٸزدٸگٸنە دەگەن ٷرەيدٸ تۋدىرادى", - دەيدٸ دەپۋتات.
ايدوس سارىمنىڭ پٸكٸرٸنشە مۇنداي وقيعالار قوعامدا سەنٸمسٸزدٸك پەن كٷمەندٸ كٷشەيتٸپ, قوعام مەن بيلٸك اراسىنداعى الشاقتىقتى تەرەڭدەتەدٸ, زاڭ مەن تەرتٸپتٸڭ تيٸمدٸلٸگٸنە دەگەن سەنٸمدٸ ەلسٸرەتەدٸ.
سونىمەن قاتار دەپۋتات ەكٸمشٸلٸك امنيستييا باستاماسىنىڭ قوعام تاراپىنان وڭ قابىلدانعانىن اتاپ ٶتتٸ. كٶپتەگەن ساراپشىلار مەن ازاماتتىق قوعام ٶكٸلدەرٸ بۇل قادامدى ەلەۋمەتتٸك وسال توپتارعا قولداۋ كٶرسەتۋدٸڭ بٸر تەتٸگٸ جەنە «ەدٸلەتتٸ قازاقستان» قۇرۋ جولىنداعى ماڭىزدى شەشٸم رەتٸندە باعالاپ وتىر.
الايدا ول كەيبٸر ازاماتتاردىڭ جٷرگٸزۋشٸ كۋەلٸگٸنەن ايىرىلعان ادامداردى امنيستييا اياسىندا قايتا كٶلٸك جٷرگٸزۋ قۇقىعىمەن قامتاماسىز ەتۋ تۋرالى تالاپتارىنا قارسى ەكەنٸن اشىق ايتتى. دەپۋتاتتىڭ سٶزٸنشە, مۇنداي تۇلعالاردىڭ باسىم بٶلٸگٸ جول قوزعالىسى ەرەجەلەرٸن جٷيەلٸ تٷردە بۇزعان, ماس كٷيٸندە كٶلٸك باسقارعان جەنە ٶزگە دە قاۋٸپتٸ ەرەكەتتەرگە بارعان.
"مۇنداي ادامدارعا قايتادان رٶلگە وتىرۋعا مٷمكٸندٸك بەرۋ – قوعام قاۋٸپسٸزدٸگٸنە تٸكەلەي قاتەر تٶندٸرۋمەن تەڭ", – دەدٸ ول.
ايدوس سارىم امنيستييا – مەملەكەت پەن قوعامنىڭ گۋمانيستٸك اكتٸسٸ ەكەنٸن, الايدا بۇل قاعيدا ادام ٶمٸرٸنە قاۋٸپ تٶندٸرەتٸن ەرەكەتتەرگە قولدانىلماۋى تيٸس ەكەنٸن اتاپ ٶتتٸ. ونىڭ پٸكٸرٸنشە, زاڭ قابىلداۋ بارىسىندا ەڭ باستى سۇراق – بۇل شەشٸم ازاماتتاردىڭ ٶمٸرٸن قاۋٸپسٸز ەتە مە دەگەن مەسەلە بولۋى كەرەك.
دەپۋتات سٶز سوڭىندا زاڭ شىعارۋشى ورگاننىڭ باستى مٸندەتٸ – قۇقىق بۇزۋشىلاردى اقتاۋ ەمەس, كەرٸسٸنشە جاڭا قىلمىستار مەن قايعىلى وقيعالاردىڭ الدىن الۋ ەكەنٸن جەتكٸزدٸ.
