قر مەدەنيەت جەنە سپورت مينيسترٸ اقتوتى رايىمقۇلوۆا ەبۋ ناسىر ەل-فارابيدٸڭ 1150 جىلدىق مەرەيتويى قۇرمەتٸنە ۇيىمداستىرىلعان دٶڭگەلەك ٷستەل وتىرىسىنا قاتىستى, دەپ حابارلايدى قازاقپارات.
مينيستردٸڭ ايتۋىنشا, بيىل جىل باسىنان بەرٸ 100-دەن اسا شارا ۇيىمداستىرىلعان.
«كوروناۆيرۋس پاندەميياسىنا بايلانىستى شارالاردىڭ كٶپشٸلٸگٸ قىسقارتىلدى. نەگٸزٸنەن, عىلىمي زەرتتەۋگە باعىتتالعان شارالارعا باسىمدىق بەرٸلدٸ. ٶكٸنٸشكە وراي, جوسپارلانعان ەكسپەديتسييالار بولماي قالدى. جوسپارلانعان قاراجات رەسپۋبليكالىق بيۋدجەتكە قايتارىلدى. بولاشاقتا بۇل جۇمىس جالعاساتىن بولادى. سونداي-اق, عىلىمي زەرتتەۋ ورتالىقتارى اشىلادى», - دەدٸ اقتوتى رايىمقۇلوۆا.
بيىل ۇلى شىعىس عۇلاماسىنىڭ ەڭبەگٸن زەرتتەۋگە ارنالعان قازۇۋ مەن باسقا دا شەتەلدٸك وقۋ ورىندارىنىڭ قاتىسۋىمەن ونلاين كونفەرەنتسييالار ٶتكەن.
كەلەشەكتە تٷركٸستان وبلىسىنىڭ وقسىز كٶنە قالاشىعىنا جاقىن جەردە شاعىن مۋزەيٸ بار ۆيزيت ورتالىق اشىلادى.
شەۋٸلدٸر اۋىلىندا قازٸر وسىنداي ۆيزيت ورتالىعى بار. ول جەردەن ەبۋ ناسىر ەل-فارابيدٸڭ 1150 جىلدىعىنا وراي قويىلعان عىلىمي ماتەريالداردى, ەكسپوزيتسييالاردى كٶرۋگە بولادى.
ودان بٶلەك, اقتوتى رايىمقۇلوۆا اتاپ ٶتكەندە, سيرييانىڭ داماسك قالاسىندا ۇلى عۇلامانىڭ ۆيزيت ورتالىعى مەن مۋزەيٸ جۇمىس ٸستەپ تۇر.
«ول ورتالىقتا قازۇۋ بٶلٸمشەسٸ اشىلادى. اتالعان بٶلٸمشەدە دە بيىل عىلىمي جەنە قالپىنا كەلتٸرۋ جۇمىستارىن جالعاستىراتىن بولامىز. ەل-فارابي ادام رەسۋرستارىن تٷسٸنۋگە كٶپ ەڭبەك سٸڭٸردٸ. ودان بٶلەك, مەدەنيەت پەن مۋزىكاعا قاتىستى ەڭبەكتەرٸ دە وراسان زور. ول ٶنەردٸ ادامزات تۇرمىسىنىڭ ماڭىزدى بٶلٸگٸ رەتٸندە قاراستىرعان. سوندىقتان, زەرتتەۋشٸلەر ٷنەمٸ ونىڭ ەڭبەكتەرٸنە ورالادى. عالىمنىڭ ەڭبەكتەرٸ مەن تۇجىرىمداماسىنىڭ ماڭىزى وراسان. ونىڭ مۇراسىن ەلەمگە تانىستىرۋ, ناسيحاتتاۋ ٷشٸن بٸزگە كٶپ ەڭبەكتەنۋ كەرەك», - دەدٸ مينيستر.
