اقجارقىن تۇرلىبايدىڭ ٸسٸ مەملەكەت باسشىسىنىڭ تۇراقتى باقىلاۋىندا, دەپ حابارلايدى "ۇلت اقپارات" قر پرەزيدەنتٸنٸڭ باسپاسٶز حاتشىسى بەرٸك ۋەليگە سٸلتەمە جاساپ.
ونىڭ ايتۋىنشا, قىتايدا سوتتالعان قازاقستان ازاماتى اقجارقىن تۇرلىبايدى ەلٸمٸزگە قايتارۋ مەسەلەسٸ بٷگٸن بۇقارالىق اقپارات قۇرالدارىندا تاعى دا تالقىلانىپ جاتىر.
«قاسىم-جومارت توقاەۆ جاقىندا ەلٸمٸزگە ساپارمەن كەلگەن قىتاي كوممۋنيستٸك پارتيياسى ورتالىق كوميتەتٸ ساياسي بيۋروسىنىڭ مٷشەسٸ يان تسزەچيمەن ەڭگٸمەلەسۋ بارىسىندا اقجارقىن تۇرلىبايدىڭ تاعدىرىنا قاتىستى مەسەلەنٸ تاعى دا كٶتەرگەنٸن ايتا كەتكەن جٶن.
قازاقستان پرەزيدەنتٸ بىلتىرعى قىركٷيەك ايىندا بەيجٸڭگە جاساعان ساپارىندا قحر باسشىلىعىن اقجارقىن تۇرلىبايدىڭ ٸسٸنە گۋمانيزممەن قاراپ, ونى قازاقستانعا قايتارۋ مەسەلەسٸنە ىقپال ەتۋگە شاقىردى.
قاسىم-جومارت كەمەلۇلى سىرتقى ٸستەر مينيسترلٸگٸ مەن قۇقىق قورعاۋ ورگاندارىنا قىتايلىق ەرٸپتەستەرٸمەن ٶزارا ٸس-قيمىلداردى جالعاستىرۋدى تاپسىردى. بۇل ٸس مەملەكەت باسشىسىنىڭ تۇراقتى باقىلاۋىندا», - دەپ جازدى بەرٸك ۋەلي Facebook-تەگٸ پاراقشاسىندا.
