قازاقستاندىق تانىمال اكتريسا داريعا بادىقوۆا جەكە ٶمٸرٸ مەن ٶمٸرلٸك ۇستانىمدارىن كەڭٸنەن باياندايتىن دەرەكتٸ فيلم تٷسٸرۋدٸ جوسپارلاپ وتىرعانىن مەلٸمدەدٸ, دەپ حابارلايدى ult.kz.
ٶنەر يەسٸنٸڭ ايتۋىنشا, كٶرەرمەن ەكراننان كٶرەتٸن بەينە ونىڭ شىنايى بولمىسىن تولىق اشا المايدى. سوندىقتان ول جۇرتشىلىققا ٶزٸنٸڭ ٸشكٸ جان دٷنيەسٸن, ٶمٸرگە دەگەن كٶزقاراسىن جەنە قابىلداعان ماڭىزدى شەشٸمدەرٸنٸڭ استارىندا نە جاتقانىن كٶرسەتۋدٸ قالايدى.
اكتريسا كەيبٸر ويلارى كٶپشٸلٸكتٸڭ پٸكٸرٸنەن ٶزگەشە بولۋى مٷمكٸن ەكەنٸن ايتىپ, سوندىقتان ولاردى ەردايىم اشىق ايتا بەرمەيتٸنٸن جەتكٸزدٸ. سوعان قاراماستان, وسى ۋاقىتقا دەيٸن ٶمٸردە ۇستانعان قاعيدالارى ٶزٸن اداستىرماعانىن ەرەكشە اتاپ ٶتتٸ.
«مەنٸ بٷگٸنگٸ كٷنگە جەتكٸزگەن – ٶمٸرلٸك پرينتسيپتەرٸم. ولار ەشقاشان جامان جولعا جەتەلەگەن ەمەس, كەرٸسٸنشە ٶزٸمدٸ جوعالتپاي, ٶز بولمىسىمدى ساقتاپ ٶمٸر سٷرۋگە ٷيرەتتٸ», – دەدٸ ول.
داريعا بادىقوۆانىڭ سٶزٸنشە, بۇل جوبا ٶزٸن اقتاۋ نەمەسە جۇرت الدىندا جاعىمدى وبراز قالىپتاستىرۋ ٷشٸن تٷسٸرٸلمەيدٸ. كەرٸسٸنشە, كٶرەرمەنگە ەكران سىرتىنداعى شىنايى ادامدى كٶرسەتۋ ماقسات ەتٸلگەن.
«بۇل فيلمدە ەشقانداي رٶل وينامايمىن. ٶزٸمدٸ ەدەمٸ ەتٸپ كٶرسەتۋگە دە, اقتالۋعا دا تىرىسپايمىن. تەك ەكرانداعى كەيٸپكەردٸڭ ارتىندا قانداي ادام تۇرعانىن, قانداي ويلارمەن ٶمٸر سٷرەتٸنٸمدٸ جەنە نەگە دەل وسىنداي شەشٸمدەر قابىلدايتىنىمدى شىنايى تٷردە جەتكٸزگٸم كەلەدٸ», – دەپ تٷيٸندەدٸ اكتريسا.
