مەملەكەت باسشىسى نۇرسۇلتان نازارباەۆتىڭ باستاماسىمەن قازاقستاندىقتار بيىل تۇڭعىش رەت ۇلتتىق دومبىرا كٷنٸن تويلاۋدا. اقتٶبە وبلىسى مەرەكەنٸ ۇيىمداستىرۋعا ەرەكشە اتسالىستى. بارلىق ەلدٸ مەكەندەردە ٶتكەن 750 ٸس-شاراعا 270 مىڭ وبلىس تۇرعىنى قاتىستى.
ۇلتتىق دومبىرا كٷنٸنە ارنالعان ٷلكەن مەرەكە 30 ماۋسىمدا باستالعان بولاتىن. اقتٶبەدە ەكٸ جىل بۇرىن ورناتىلعان 6 مەترلٸك دومبىرا جانىندا دومبىراشىلاردىڭ شەرۋٸ مەن بايقاۋى ٶتتٸ.
1 شٸلدەدە وبلىس ورتالىعىنىڭ دا كٶگٸن ۇلى دالانىڭ ەۋەندەرٸ كەرنەدٸ. جٷزدەگەن كەسٸبي مۋزىكانتتار مەن ەۋەسقوي دومبىراشىلار قازاق حالقىنىڭ كٶرنەكتٸ كومپوزيتورلارىنىڭ ٶلمەس تۋىندىلارىن قالانىڭ ەرتٷرلٸ جەرٸندەگٸ 6 اشىق الاڭدا بٸر مەزگٸلدە ورىنداۋ ارقىلى ۇلتتىق مۋزىكالىق اسپاپقا دەگەن سٷيٸسپەنشٸلٸكتەرٸن بٸلدٸردٸ.
ەرتەمەن باستالعان مەرەكەلٸك شارالار 12 ساعاتقا سوزىلدى. اقتٶبە قالاسى مەن اۋدان ورتالىقتارىنىڭ بارلىق تۇرعىندارى مەن قوناقتارىنا دومبىراشىلار كونتسەرتٸ, دومبىرادا ويناۋدى ٷيرەتۋ مەن اعاش قولٶنەرٸنٸڭ شەبەرلٸك ساباقتارى, جاس كٷيشٸلەر بايقاۋى, ەكسپوزيتسييالىق جەنە كٸتاپ كٶرمەلەرٸ, دومبىرا-پاتي, قولدانبالى ٶنەر بۇيىمدارىنىڭ جەرمەڭكەسٸ مەن مۋزىكالىق ۆيكتورينالار ۇيىمداستىرىلدى.
مەرەكەنٸڭ ەڭ جاس قوناقتارى ٷشٸن ارنايى ويىن-ساۋىق باعدارلاماسى دايىندالدى.
اقتٶبەلٸكتەر ٶڭٸردە 1 شٸلدە كٷنٸ دٷنيەگە كەلگەن ەربٸر تۇڭعىش بالاعا دومبىرا تارتۋ ەتۋٸمەن دە ەرەكشەلەندٸ.
نەگٸزگٸ مەرەكە ورتالىق ستاديوندا ساعات 18:00-دە باستالدى. ونىڭ اقىرعى اككوردى 500 دومبىراشىنىڭ ستاديوندا «اقتٶبە» - «شاحتەر» فۋتبول ماتچىنىڭ الدىندا «بالبىراۋىن» جەنە قۇرمانعازىنىڭ «اداي» كٷيلەرٸن, احمەت جۇبانوۆتىڭ «بي كٷيٸن» ويناعان فلەشموبى بولدى.
ايتا كەتەيٸك, سول كٷنٸ ع.جۇبانوۆا اتىنداعى اقتٶبە وبلىستىق فيلورمونيياسىنىڭ ۇلتتىق اسپاپتار وركەسترٸ قازاق ۇلتتىق اسپاپتار مۇراجايىنىڭ اشىلۋىندا ەلوردا تۇرعىندارى مەن قوناقتارىن ٶزدەرٸنٸڭ شىعارمالارىمەن قۋانتتى.
