فوتو: gov.kz
اقتٶبەدە 25 جاستاعى جۇمىسسىز ازامات اناسىنىڭ بانك قوسىمشاسىن ٶز نٶمٸرٸنە تٸركەپ, شوتىنداعى 9 ميلليون 899 مىڭ تەڭگەنٸ ۇرلاعان, دەپ حابارلايدى Ult.kz دياپازون باسىلىمىنا سٸلتەمە جاساپ.
تەرگەۋ دەرەگٸ بويىنشا ەيەل ينسۋلتتەن كەيٸن اۋىر جاعدايدا بولىپ, سمارتفوننىڭ فۋنكتسيياسىن تولىق تٷسٸنبەگەن. ۇلى ونىڭ شوتىنا قول جەتكٸزٸپ, بٸرنەشە كٷندە قاراجاتتى ٶز شوتىنا اۋدارعان.
سوتتا قىلمىسكەر كٸنەسٸن مويىنداماي, اناسىنان رۇقسات سۇراعانىن, اناسى باسىن يزەۋ ارقىلى كەلٸسٸم بەرگەنٸن ايتقان. سونىمەن قاتار, ۇرلانعان قاراجاتتى كەيٸن قايتارۋعا ۋەدە بەرگەنٸن مەلٸمدەدٸ.
الايدا سوت اناسى ەشقانداي رۇقسات بەرمەگەنٸن انىقتادى. ۇرلانعان 10 ميلليون تەڭگە كەسٸپپەن اينالىساتىن اناسىنىڭ باۋىرىنا تيەسٸلٸ بولىپ شىقتى.
تەرگەۋ بارىسىندا اناسىنا قارايتىن ەلەۋمەتتٸك قىزمەتكەر دە كۋەلٸك بەردٸ. ول ەيەلدٸڭ ينسۋلتتەن كەيٸن سول جاق بٶلٸگٸنٸڭ سال بولىپ قالعانىن, بٸرگە تۇرعان كەزٸندە ۇلى جيٸ قورلاعانىن, زەينەتاقىسىن الىپ كەتكەنٸن, ناۋقاس كەيدە ازىق-تٷلٸكتٸ قارىزعا الۋعا مەجبٷر بولعانىن ايتتى.
سوت ٷكٸمٸ بويىنشا قىلمىسكەر 6 جىل 6 ايعا باس بوستاندىعىنان ايىرىلدى. سونىمەن قاتار, ول جەبٸرلەنۋشٸگە قاراجاتتى ٶتەۋگە مٸندەتتەلدٸ.
