Foto: gov.kz
Aqtóbede 25 jastaǵy jumyssyz azamat anasynyń bank qosymshasyn óz nómirine tirkep, shotyndaǵy 9 million 899 myń teńgeni urlaǵan, dep habarlaidy Ult.kz Diapazon basylymyna silteme jasap.
Tergeý deregi boiynsha áiel insýltten keiin aýyr jaǵdaida bolyp, smartfonnyń fýnktsiiasyn tolyq túsinbegen. Uly onyń shotyna qol jetkizip, birneshe kúnde qarajatty óz shotyna aýdarǵan.
Sotta qylmysker kinásin moiyndamai, anasynan ruqsat suraǵanyn, anasy basyn izeý arqyly kelisim bergenin aitqan. Sonymen qatar, urlanǵan qarajatty keiin qaitarýǵa ýáde bergenin málimdedi.
Alaida sot anasy eshqandai ruqsat bermegenin anyqtady. Urlanǵan 10 million teńge kásippen ainalysatyn anasynyń baýyryna tiesili bolyp shyqty.
Tergeý barysynda anasyna qaraityn áleýmettik qyzmetker de kýálik berdi. Ol áieldiń insýltten keiin sol jaq bóliginiń sal bolyp qalǵanyn, birge turǵan kezinde uly jii qorlaǵanyn, zeinetaqysyn alyp ketkenin, naýqas keide azyq-túlikti qaryzǵa alýǵa májbúr bolǵanyn aitty.
Sot úkimi boiynsha qylmysker 6 jyl 6 aiǵa bas bostandyǵynan aiyryldy. Sonymen qatar, ol jábirlenýshige qarajatty óteýge mindetteldi.
