29 سەۋٸردە باسپانا جالداپ وتىرعان وتباسى ٷشٸن پەتەر اقىسىن تٶلەپ بەرگەن اقتٶبەلٸك ۋچاسكەلٸك پوليتسييا ينسپەكتورى باقتييار جاقۇپوۆ قر ٸٸم-نٸڭ ماقتاۋ قاعازىمەن ماراپاتتالدى, دەپ جازادى دياپازون باسىلىمى.
اقتٶبە وبلىسى پوليتسييا دەپارتامەنتٸنٸڭ حابارلاۋىنشا, قر ٸٸم-دە ٶتكەن بەينەكونفەرەنتسييا بارىسىندا تٶتەنشە جاعداي كەزٸندە ەرەكشە كٶزگە تٷسكەن قر-نىڭ ٸشكٸ ٸستەر ورگاندارىندا جۇمىس ٸستەيتٸن 47 قىزمەتشٸ مەن ەسكەري قىزمەتشٸ ماراپاتتالدى.
«مەملەكەت باسشىسى تٶتەنشە جاعداي كەزٸندە تەرتٸپتٸڭ ساقتالۋى ٷشٸن قامتاماسىز ەتكەن ٸٸم قىزمەتكەرلەرٸنٸڭ ەڭبەگٸن جوعارى باعالادى. ونىڭ تاپسىرماسى بويىنشا, كارانتيندٸك شارالار كەزٸندە جۇمىس ٸستەگەن بارلىق ەسكەري قىزمەتشٸلەر مەن قىزمەتشٸلەر جالاقى كٶلەمٸندە سىياقى الادى. جەكە قۇرامنان 52 مىڭنان استام قىزمەتشٸ سىياقى الادى», - دەيدٸ قر ٸشكٸ ٸستەر مينيسترٸ ەرلان تۇرعىمباەۆ.
ماقتاۋ قاعازىمەن ماراپاتتالعانداردىڭ ٸشٸندە اقتٶبە قالاسىنىڭ ۋچاسكەلٸك پوليتسييا ينسپەكتورى باقتييار جاقىپوۆ تا بار.
