اقتٶبەلٸك شارۋالار بٸرٸگٸپ, قۋاڭشىلىققا تاپ بولعان ماڭعىستاۋلىقتارعا مال ازىعىن دايىنداپ قويدى, دەپ حابارلايدى "ۇلت اقپارات".
اقتٶبەدەگٸ جىلقىشىلار قاۋىمداستىعى بٸرٸگٸپ, قولداۋ كٶرسەتپەك. قازٸرگٸ كەزدە 1370 وراما مەن 1 مىڭ تاي شٶپ دايىن تۇر.
«بٸز ەكٸ نۇسقانى ۇسىندىق. بٸرٸنشٸدەن, دايىن مال ازىعىن ادامدار ٶزدەرٸ الىپ كەتەدٸ. ول كەزدە بٸز بەرٸن تەگٸن تيەپ بەرەمٸز. ەكٸنشٸدەن, بٸز جەتكٸزەمٸز, ال ولار اقتٶبەدەگٸ شٶپ قۇنىن تٶلەيدٸ. سونىمەن بٸرگە اسا مۇقتاج وتباسىنا تەگٸن جەتكٸزۋدٸ كٶزدەپ وتىرمىز. مۇنىڭ قيىندىعى, تالاس تۋۋى مٷمكٸن. قالاي دەسەك تە بٸز وسى ارقىلى ماڭعىستاۋلىقتاردى قيىندىقتا قولدايتىنىمىزدى, بٸرگە تىعىرىقتان شىعار جول ٸزدەيتٸنٸمٸزدٸ كٶرسەتەمٸز. ەل باسىنا قيىن كٷن تۋعاندا بٸرٸگۋ قاجەت. ۇسىنىستى كٶبٸ قولدادى», - دەدٸ «جانتٸزەر» شق باسشىسى باقىتجان ەرجانوۆ.
ايتا كەتەيٸك, «شىڭعىس», «جانسايا», «قايسار», «ەدٸلبەك», «ايجارىق», «الاقوزى», «كٶكٷي», «ارمان-م», «نۇر» سەكٸلدٸ بٸرنەشە شارۋا بٸرٸككەن. قازٸرگٸ كەزدە اۋا رايىنا بايلانىستى تاسىمالداۋ قيىندىق تۋدىرىپ تۇر.
«ماڭعىستاۋ وبلىسى ەكٸمٸنٸڭ ورىنباسارىمەن تٸركەلەي بايلانىس بار. سوندىقتان شٶپ الۋعا كەلگەندەردٸڭ ناعىز سول جاقتىڭ تۇرعىنى ەكەنٸن الدىن الا انىقتاپ الامىز», - دەدٸ باقىتجان ەرجانوۆ.
