Aqtóbelik sharýalar birigip, qýańshylyqqa tap bolǵan mańǵystaýlyqtarǵa mal azyǵyn daiyndap qoidy, dep habarlaidy "Ult aqparat".
Aqtóbedegi Jylqyshylar qaýymdastyǵy birigip, qoldaý kórsetpek. Qazirgi kezde 1370 orama men 1 myń tai shóp daiyn tur.
«Biz eki nusqany usyndyq. Birinshiden, daiyn mal azyǵyn adamdar ózderi alyp ketedi. Ol kezde biz bárin tegin tiep beremiz. Ekinshiden, biz jetkizemiz, al olar Aqtóbedegi shóp qunyn tóleidi. Sonymen birge asa muqtaj otbasyna tegin jetkizýdi kózdep otyrmyz. Munyń qiyndyǵy, talas týýy múmkin. Qalai desek te biz osy arqyly mańǵystaýlyqtardy qiyndyqta qoldaitynymyzdy, birge tyǵyryqtan shyǵar jol izdeitinimizdi kórsetemiz. El basyna qiyn kún týǵanda birigý qajet. Usynysty kóbi qoldady», - dedi «Jantizer» ShQ basshysy Baqytjan Erjanov.
Aita keteiik, «Shyńǵys», «Jansaia», «Qaisar», «Ádilbek», «Aijaryq», «Alaqozy», «Kókúi», «Arman-M», «Nur» sekildi birneshe sharýa birikken. Qazirgi kezde aýa raiyna bailanysty tasymaldaý qiyndyq týdyryp tur.
«Mańǵystaý oblysy ákiminiń orynbasarymen tirkelei bailanys bar. Sondyqtan shóp alýǵa kelgenderdiń naǵyz sol jaqtyń turǵyny ekenin aldyn ala anyqtap alamyz», - dedi Baqytjan Erjanov.
