فوتو: اشىق دەرەككٶز
اقتٶبەدە تانىمال رەپ-ورىنداۋشى Qarakesek-كە قاتىستى قىلمىستىق ٸس سوتقا جولداندى. ٶنەر يەسٸنە ەسٸرتكٸگە بايلانىستى ايىپ تاعىلىپ وتىر, دەپ حابارلايدى Ult.kz.
ەسكە سالايىق, 31 جاستاعى ەرتٸس, شىن ەسٸمٸ ومار امانتاەۆ, ٶتكەن جىلدىڭ جازىندا پوليتسييا تاراپىنان ۇستالعان بولاتىن. مەديتسينالىق ساراپتاما ونىڭ كٶلٸكتٸ ەسٸرتكٸلٸك ماساڭ كٷيدە باسقارعانىن راستاعان. سول كەزدە سوت شەشٸمٸمەن ول 7 جىلعا جٷرگٸزۋشٸ كۋەلٸگٸنەن ايىرىلىپ, 15 تەۋلٸككە ەكٸمشٸلٸك قاماۋعا الىنعان ەدٸ.
الايدا ٸس مۇنىمەن شەكتەلمەگەن. ۇستاۋ كەزٸندە ونىڭ جانىنان ۇنتاق تەرٸزدٸ زات سالىنعان zip-پاكەت تابىلعان. وسىعان بايلانىستى قر قك-نٸڭ 296-بابى 3-بٶلٸگٸ («ەسٸرتكٸ قۇرالدارىن, پسيحوتروپتىق زاتتاردى, ولاردىڭ انالوگتارىن ٶتكٸزۋ ماقساتىنسىز زاڭسىز اينالىمى») بويىنشا قىلمىستىق ٸس قوزعالدى. ٸس اقتٶبە قالاسىنىڭ №2 سوتىنا تٷسكەن.
بەلگٸلٸ بولعانداي, ايىپتالۋشى ٸس ماتەريالدارىمەن تانىسىپ شىققان. سوت قر قپك-نٸڭ 67-بابى 1-بٶلٸگٸنە سەيكەس وعان اقتٶبە وبلىستىق ادۆوكاتتار القاسى ارقىلى قورعاۋشى تاعايىنداۋ قاجەتتٸگٸن قاۋلى ەتكەن.
تاعىلعان ايىپ بويىنشا امانتاەۆقا 865 مىڭ تەڭگە كٶلەمٸندە ايىپپۇل سالۋ, سول مٶلشەردە تٷزەۋ جۇمىستارى, 200 ساعاتقا دەيٸن قوعامدىق جۇمىستارعا تارتۋ نەمەسە 50 تەۋلٸككە دەيٸن قاماۋ جازاسى تاعايىندالۋى مٷمكٸن.
ايتا كەتەيٸك, Qarakesek – قازاقتٸلدٸ اۋديتوريياعا كەڭٸنەن تانىمال رەپ ورىنداۋشى. ونىڭ YouTube جەلٸسٸندەگٸ «قۋراعان گٷل» جەنە «كٶبەلەك» سىندى ليريكالىق ترەكتەرٸ ميلليونداعان قارالىم جيناعان.
