اقتٶبەدە ماۋسىمدا سويقان سالعان سودىرلار سوتتا سوڭعى سٶزدەرٸن ايتتى, - دەپ حابارلايدى كتك تەلەارناسى. ولاردىڭ بارلىعى دەرلٸك كٸنەلارىن مويىنداپ, سۋديادان ٶمٸر بويىنا تٷرمەگە وتىرعىزباۋدى سۇراعان. ٶيتكەنٸ پروكۋرورلار بۇعان دەيٸن جازداعى اتىستا تٸرٸ قالعان 7-ٸ لاڭكەستٸڭ اقتىق دەمٸ بٸتكەنشە تەمٸر توردا قالۋىن سۇراعان ەدٸ.
"بٸرنەشە قىلمىستىق قۇقىقبۇزۋشىلىق جاساعاندارى ٷشٸن, ونىڭ ٸشٸندە تەرروريزم اكتٸسٸن جاساۋعا تٸكەلەي قاتىسقاندارى ٷشٸن ايىپتالعان سوتتالۋشىلار سوڭعى سٶزٸندە جاساعان قىلمىستارى ٷشٸن ٶكٸنٸپ, سوتتان ٶمٸر بويى باس بوستاندىعىنان ايىرماۋدى سۇرادى", - دەدٸ اقتٶبە وبلىستىق سوتىنىڭ باسپاسٶز حاتشىسى يليادا دوسوۆا.
قارۋلى قاقتىعىسقا قاتىستى دەپ تانىلعان سوتتالۋشىنىڭ بٸرٸ جۇبانوۆتى ادۆوكاتى بٸرنەشە باپ بويىنشا اقتاۋدى ٶتٸندٸ. سونداي-اق, قىلمىس تۋرالى قۇزىرلى ورگاندارعا دەر ۋاقىتىندا حابار بەرمەگەنٸ ٷشٸن ايىپتالعان بەس جٸگٸتتٸ جازىقسىز دەپ تانۋدى سۇراپ وتىر. دەگەنمەن, ولارعا كەسٸلەر ٷكٸم ەندٸ تۋرا بٸر اپتادان سوڭ عانا بەلگٸلٸ بولادى. 5-شٸ ماۋسىم كٷنٸ سودىرلار ەسكەري بٶلٸم مەن قارۋ ساتاتىن دٷكەندەرگە شابۋىل جاساعان ەدٸ. اتىس كەزٸندە جەتٸ ادام قازا تاۋىپ, وتىز شاقتى ادام جاراقات الدى. سول لاڭكەستٸكتەن كەيٸن 18 سودىردىڭ كٶزٸ جويىلعان بولاتىن.
