ارىستاعى ٷيلەردٸ قالپىنا كەلتٸرۋگە بارعان اقتٶبەلٸكتەر جۇمىستارىن ەرتەڭ اياقتالادى, دەپ حابارلايدى "ۇلت اقپارات".
ارىس قالاسىن قالپىنا كەلتٸرۋ جۇمىستارى كەزٸندە اقتٶبە وبلىسىنا 12-شٸ سەكتور بٶلٸندٸ. مۇندا 789 ٷي بار. ساراپشىلار تەكسەرٸپ, تٸزٸمگە الىپ, 543 ٷيگە زاقىم كەلگەنٸن انىقتادى. ارنايى قورىتىندى شىعارۋ جۇمىستارى 25 تامىز كٷنٸ اياقتالعان بولاتىن. سول كەزدە 246 ٷيدٸڭ يەسٸ قانداي دا بٸر جٶندەۋ جۇمىستارىن قاجەت ەتپەيتٸنٸن جازىپ, كٶمەكتەن باس تارتتى.
«الايدا ولاردىڭ 73-ٸ ارىس قالاسىنىڭ ەكٸمدٸگٸنە قايتا ارىز جازىپ, جٶندەۋ قاجەت دەپ سۇراعان. قالا ەكٸمٸنٸڭ سۇرانىسىنا ساي سول 73 ٷيگە وبلىستىڭ قۇرىلىس كومپانييالارى جٶندەۋ جۇمىستارىن جٷرگٸزٸپ بەردٸ. سەبەبٸ سول ٷيلەردە مٷگەدەكتەر مەن ارداگەرلەر, ەلەۋمەتتٸك جاعىنان از قامتىلعان وتباسىلار تۇرادى. مەسەلەن, تٶتەنشە جاعداي كەزٸندە قازا بولعان ەسكەري قىزمەتكەر باۋىرجان ەلٸمبەكوۆتىڭ ٷيٸنە كٷردەلٸ جٶندەۋ جٷرگٸزٸلدٸ. ٷيٸنە جارىلعىش زات قۇلاعان تۇرعىننىڭ باسپاناسى قايتا سالىندى. تٶتەنشە جاعداي كەزٸندە وتاعاسى قازا بولعان كٶپبالالى وتباسىنىڭ بۇرىن ٷيٸ تولىق بٸتپەي تۇرعان. وبلىس ەكٸمٸ وڭداسىن ورازاليننٸڭ تاپسىرماسىمەن ول ٷي دە تولىق سالىندى. تەكسەرۋ كەزٸندە 37 ٷيگە كٷردەلٸ جٶندەۋ قاجەت بولدى. ونىڭ 24-ٸندە جۇمىس تولىق اياقتالدى», - دەپ حابارلايدى وبلىس ەكٸمٸنٸڭ باسپاسٶز قىزمەتٸ.
ايتا كەتەيٸك, تۇرعىنداردىڭ ەكەۋٸ تەحنيكالىق تەكسەرۋ قورىتىندىسىمەن كەلٸسپەگەن. ٷي يەلەرٸ جٶندەۋگە قاجەتتٸ قارجىنى ٶزدەرٸنە بەرۋٸن سۇراعان. اقتٶبە وبلىسى 11 قىركٷيەكتە جۇمىستى تولىق اياقتاۋدى جوسپارلاپ وتىر. بۇل جۇمىستارعا 6 قۇرىلىس كومپانيياسى مەن 395 ادام جۇمىلدىرىلعان.
